Ukrayna prezidenti Vladimir Zelenski ABŞ prezidenti Donald Trampla dialoqla bağlı diqqətçəkən açıqlamalar verib. Zelenski qatıldığı proqramda gündəmlə bağlı qiymətləndirmələr edərkən ABŞ prezidenti Donald Trampla münasibəti ilə bağlı maraqlı sözlər söyləyib.
Trampla uzun müddətdir yaxın dialoqda olduqlarını bildirən Zelenski "bütün bu müddət ərzində yaxın olmuşuq. Ancaq prezident Donald Trampla həmişə eyni xəttdə münasibət qura bilmərəm. Biz eyni yaşda deyilik. Bəlkə də o yaşda olduğu üçün ata-oğul arasında belə bir münasibət gözləyir" deyib.
Zelenski "Səncə, o, səni öz oğlu kimi görür?" sualı ilə bağlı səmimi açıqlamalar verib. Ukrayna lideri "Dəqiq bilmirəm. Ola bilsin ki, mən onun sevimli oğlu deyiləm. Amma niyə də olmasın, axı o, məni öz oğullarından biri kimi görə bilər. Bilirəm ki, mənimlə görüşməyi və ünsiyyət qurmağı xoşlayır"-deyib.
Öz idarəetmə tərzinin və Tramp cəbhəsindəki qərarlarının təsirlərinə toxunan Zelenski sözlərini belə davam etdirib:
"Ola bilsin ki, atdığım bəzi kəskin addımlar, atdığım bəzi sərt hərəkətlər xoşunuza gəlməz. Bununla belə, bir şeyi unutmaq olmaz: mən prezidentəm və bütün şəraitdə ölkəmin maraqlarını müdafiə edirəm".
Bəzi media resurslarının yazdığına görə, ötən il fevralın 28-də Ağ Evdə keçirdiyi görüşdə ABŞ prezidenti Donald Trampla kameralar qarşısında mübahisə edən Ukrayna prezidenti Vlodimir Zelenski bu davanın qisasını indi alıb. Buna görə Trampla aralarındakı yaş fərqinə diqqət çəkən Zelenski ABŞ prezidentini ata kimi gördüyünü və ona ata kimi yanaşdığını bildirib. Ukrayna prezidenti Vlodimir Zelenskinin ABŞ prezidenti Donald Trampla münasibəti ilə bağlı açıqlamasının yumoristik anlam daşıdığı yazılır.
Fransada fəaliyyət göstərən France Inter radio kanalına danışan Zelenski iki lider arasındakı yaş fərqini əsas gətirərək, Trampla münasibətlərinin fərqli dinamikaya malik olduğunu bildirib
İradə SARIYEVA
