Omanda başlayan və Cenevrədə davam edən danışıqların pozulmasından və ABŞ-ın İsraillə birlikdə İrana hücum etməsindən bir həftə keçib. Hücumların ilk günündə İranın Ali Lideri Əli Xamenei və yüksək rütbəli bir çox İran rəsmisi öldürüldü.
Dünən İran Ekspertlər Məclisi yeni Ali Lideri seçmək üçün toplantı keçirib. Məclisin yeni liderin adını açıqlamamaq qərarı axşam saatlarında verilən açıqlamalarla pozulub.
İran Ekspertlər Məclisinin üzvü Hüseyn Əli Eşkəvari, öldürülən Əli Xameneinin oğlu Müctəba Xameneinin "Xameneinin adı İran rəhbərliyində davam edəcək" açıqlaması ilə İranın yeni Ali Lideri olduğunu elan edib.
İranın rəsmi xəbər agentliyi IRNA da Müctəba Xameneinin İranın yeni Ali Lideri olduğunu təsdiqləyib.
İranda yeni liderin seçilməsi ilə məsul olan Ekspertlər Məclisinin yazılı açıqlamasında bildirilir ki, "Ayətullah Seyid Müctəba Hüseyni Xamenei Ekspertlər Məclisi üzvlərinin böyük əksəriyyəti tərəfindən İran İslam Respublikasının üçüncü lideri seçilib və elan edilib".
TAHİR
