ABŞ-ın danışıqlar masasını devirərək İsrailin dəstəyilə İrana hücumlara başlamasından bir həftə keçib. Üç ölkə arasında qarşılıqlı hücumlar davam etdiyi bir vaxtda, Hizbullahın İsrailə hücumu ilə Livan da müharibəyə qoşuldu.
Bu arada, Çin və Rusiyanın İrana birbaşa deyil, texnoloji dəstək verdiyinə dair iddialar ortaya atılıb. Xüsusən də Rusiyanın ABŞ-İsrail birgə hücumu ilə üzləşən və İsrailə və ABŞ-a qarşı bölgədəki bazalarına hücumlarla birbaşa cavab verən İrana kəşfiyyat dəstəyi verdiyi iddialarına xarici işlər naziri Abbas Əraqçi cavab verib.
Əraqçi Rusiyanın Yaxın Şərqdə ABŞ qüvvələrinin yeri ilə bağlı İrana kəşfiyyat məlumatı verdiyi barədə məlumatları nə təkzib, nə də təsdiq edib.
"İran və Rusiya arasında əməkdaşlıq yeni bir şey deyil, bu sirr deyil…
Onlar bizə bir çox müxtəlif yollarla kömək edirlər, ətraflı məlumatım yoxdur" - deyə Əraqçi bildirib.
TAHİR
