Bu gün İran Silahlı Qüvvələrinin Baş Qərargahının sözçüsü, general Əbülfəzl Şikarçi ABŞ və İsrail hədəflərinə qarşı zərbələrin davam edəcəyini açıqlayıb. Onun sözlərinə görə, İran ordusu regionda ABŞ və İsrailə qarşı hərbi əməliyyatlarını davam etdirəcək. Şekarçi bildirib ki, İran indiyədək ABŞ və İsrailə öz ərazilərini və imkanlarını təqdim etməyən ölkələri hədəfə almayıb və bundan sonra da belə bir niyyəti yoxdur. "ABŞ və sionist rejiminə qarşı zərbələr davam edəcək. İndiyə qədər ABŞ və İsrailə öz məkanlarını və imkanlarını verməkdən imtina edən ölkələr bizim hücumlarımızın hədəfi olmayıb və indi də deyillər", – deyə o qeyd edib. General əlavə edib ki, İsrailin hücumlarının ilk günündən etibarən İrana qarşı yönəlmiş hər bir məkan Tehranın "qanuni hədəfi" hesab olunub.
İRADƏ
