İran İnqilab Keşikçiləri Korpusu (SEPAH) Qətərdəki Əl-Udeyd hava nazasında yerləşdiriklən 1,1 milyard dollarlıq ABŞ erkən xəbərdarlıq radarı vurub. Qeyd edilir ki, bununla ABŞ-ın Körfəzdəki hava hücumundan müdafiə qalxanına ciddi zərbə vurulub.
İran mediası və SEPAH hücumu Amerika mühasirəsinə qarşı qisas hücumu kimi dəyərləndirib: "İranın ballistik raketlərini izləmək üçün istifadə edilən 1,1 milyard dollarlıq strateji radar dəqiq raket zərbəsi ilə tamamilə məhv edilib".
Hədəf götürülmüş AN/FPS-132 Block 5 gücləndirilmiş erkən xəbərdarlıq radarının 2013-cü ildə quraşdırılması təxminən 1,1 milyard dollara başa gəlmişdi. Sistemin söndürülməsi Patriot və THAAD batareyalarının cavab vermək müddətini kəskin şəkildə aşağı salır, bazaları, vacib infrastrukturu və hərbi personalı həssas hədəflərə çevirir. Radarın uzaqmənzilli izləmə qabiliyyəti olmadan ABŞ və müttəfiq qüvvələr coğrafi cəhətdən dağınıq, zəif sensorlara etibar etmək məcburiyyətində qalacaqlar.
regionun təhlükəsizlik arxitekturasının çökmə təhlükəsi ilə üzləşdiyi vurğulanan strateji dəyərləndirmələrdə, təhlükənin ciddiliyi aşağıdakı ifadələrlə qeyd edilir:
"1,1 milyard dollarlıq bu nəhəng obyektin məhv edilməsi Amerika təhlükəsizlik çətirinin etibarlılığına vurulmuş psixoloji zərbədir. Bu uğurlu zərbə sabit və bahalı müdafiə infrastrukturlarının düşmənlər tərəfindən necə asanlıqla zərərsizləşdirilə biləcəyini sübut edərək İranı yeni hücumlara cəsarətləndirəcək".
“Raytheon” tərəfindən hazırlanmış və 5000 kilometrə qədər məsafəyə malik bu nəhəng sistem təkcə Qətərin hava məkanını deyil, həm də bütün Yaxın Şərqi izləyirdi. Sistemin sıradan çıxması Türkiyə də daxil olmaqla, Yaxın Şərqdə ballistik raket hərəkətliliyinin erkən aşkarlanmasını çətinləşdirəcək və regionun təhlükəsizlik arxitekturasında ciddi axsamalar yaradacaq. ABŞ-ın Qlobal Raket Müdafiə sisteminə inteqrasiya olunmuş bu radarın sıradan çıxarılması, qitələrarası təhdidlərin aşkarlanmasında da ciddi bir boşluq yaradacaq.
Tahir TAĞIYEV
