Birləşmiş Ştatlar Böyük Britaniyanın Baş naziri Keir Starmerin Vaşinqtona İrana zərbələr endirmək üçün Hind okeanındakı birgə bazadan istifadəyə icazə verməməsindən çox məyus olub.
ABŞ Prezidenti Donald Tramp bunu Britaniyanın "The Daily Telegraph" qəzetinə verdiyi müsahibədə bildirib.
Bildirildiyinə görə, əvvəlcə Britaniya hökuməti ABŞ-a Dieqo Qarsiyadakı birgə ABŞ-Britaniya bazasından İrana hücumlarda istifadə etmək üçün icazə verməkdən imtina edib. Lakin bazar günü axşam Starmer mövqeyini dəyişərək bununla razılaşıb.
ABŞ Starmerin Vaşinqtona sonda verdiyi razılaşmanı yüksək qiymətləndirib, lakin lüzumsuz gecikmədən məyusluğunu da gizlətməyib.
Starmerin ABŞ-ın bazadan İrana qarşı istifadə müraciətində tərəddüd etməsinin Mavriki olayı ilə bağlı olduğu güman edilir. ABŞ prezidenti hesab edir ki, Britaniya baş naziri Mavrikinin arxipelaqın geri qaytarılması tələbini təsdiqləməkdə çox tələsib. "Biz Sayrusdan çox məyus olduq", - deyən Tramp bildirib: "Hüquqi baxımdan, o sadəcə həmin ərazinin mülkiyyətini saxlayıb onu qanuni sahibləri olmayan insanlara verməsəydi, daha yaxşı olardı".
Qeyd edək ki, 2017-ci ildə Mavriki bu məsələ ilə bağlı Beynəlxalq Ədalət Məhkəməsindən ekspert rəyi alıb. 2019-cu ilin fevral ayında Mavriki lehinə qərar verilib və bazanın fəaliyyətini davam etdirmək təhlükəsi yaranıb. Starmerin sözlərinə görə, Çaqosun Mavrikiyə təhvil verilməsi bazanın fəaliyyətini davam etdirməsini təmin edir.
Çaqos, Mavriki adalarının qalan hissəsi ilə birlikdə Britaniya müstəmləkəsi idi, lakin 1965-ci ildə London arxipelaqı ayrıca inzibati vahid elan edib. Üç il sonra respublika müstəqillik qazansa da, Çaqos krallığın nəzarəti altında qalıb. 1966-cı ildə ABŞ Dieqo Qarsiyanı icarəyə götürərək orada hava bazası tikib və arxipelaqın 1500 sakini oradan deportasiya edilib.
Bazadan istifadə məsələsində isə həm də Britaniya söz sahibidir.
SAMİRƏ
