İsrail və ABŞ Tehran və Vaşinqton arasında danışıqların davam etdiyi, 28 fevralda İrana qarşı hücuma başlayıblar.
İran ABŞ bazalarının yerləşdiyi İsrail, Qətər, Birləşmiş Ərəb Əmirlikləri və Bəhreyn də daxil olmaqla bir neçə regional ölkədə hədəflərə hücumlarla cavab verir.
ABŞ-İsrail hücumları nəticəsində İran lideri Ayətullah Əli Xameneyi və bir çox digər yüksək vəzifəli şəxslər həlak olub.
İran Prezidenti Məsud Pezeşkian bildirib ki, İran yüksək vəzifəli dövlət nümayəndələrinin və Ali Rəhbər Ayətullah Seyid Əli Xameneinin öldürülməsinin intiqamını özünün vəzifəsi və qanuni hüququ kimi görür.
“İran İslam Respublikası ədalət axtarışını bu tarixi cinayəti törədənlərdən, əmr edənlərdən qisas almağı öz vəzifəsi və qanuni hüququ hesab edir və bütün gücünü bu böyük məsuliyyəti, öhdəliyi yerinə yetirməyə sərf edəcək”, - deyə prezident bildirib.
ABŞ prezidenti Tramp isə qisas hücumu olarsa İranın indiyə kimi görünməmiş hücumla qarşılaşacağını bildirib.
İran Qırmızı Aypara Cəmiyyəti ölkəni hədəf alan bombardmanlarda 201 nəfərin öldüyünü və 747 nəfərin yaralandığını açıqlayıb.
16:08
Hörmüz boğazında Panama bayraqlı bir neft tankeri vuruldu.
16:32
İran dövlət mediası bölgədəki ABŞ bazalarını F-4 Phantom təyyarələri ilə bombalayacağını elan edən bir video yayımlayıb.
16:38
İran Qüds yaxınlığında bir hədəfə hava zərbəsi endirib. 20 yaralının olduğu bildirilir.
16:55
İsrail və ABŞ İrana qarşı birgə hücumlarını davam etdirir. İsrail Müdafiə Qüvvələri (İMQ) İranın ballistik raket buraxıcılarına hücum etdiklərini və pilotsuz uçuş aparatlarını (PUA) məhv etdiklərini açıqlayıb.
İranın Ali Milli Təhlükəsizlik Şurasının baş katibi Əli Laricani isə sosial media hesabından ABŞ və İsraili açıq şəkildə təhdid edib.
"Dünən İran ABŞ və İsrailə raketlər atdı və bu raketlər onlara zərər verdi. Bu gün biz onları əvvəllər heç vaxt qarşılaşmadıqları bir güclə ilə vuracağıq" - deyə Laricani bildirib.
17:02
İran Qüdsü vurdu. 6 nəfərin öldüyü açıqlandı.
17:28
İraqın Diyala əyalətində naməlum dron hücumu nəticəsində dörd nəfər ölüb, iki nəfər yaralanıb.
17:33
İran Ali Milli Təhlükəsizlik Şurası ABŞ-İsrail bombardmanı nəticəsində öldürülən ölkənin dini lideri Ayətullah Əli Xameneyinin niyə sığınacağa getmədiyinə aydınlıq gətirib.
Baş katib Əli Laricani deyib ki, Xamenei bunkerdə gizlənmək istəməyib: “O, həyatını normal davam etdirməkdə israr edirdi. Buna görə də bu baş verdi".
17:40
İranın keçmiş prezidenti Mahmud Əhmədinejad İsrail və ABŞ tərəfindən təşkil edilən hücum nəticəsində həyatını itirib.
18:13
İran İnqilab Keşikçiləri Korpusu ABŞ Hərbi Dəniz Qüvvələrinin ən vacib komponentlərindən biri olan məşhur USS Abraham Lincoln təyyarədaşıyan gəmisini dörd ballistik raketlə hədəfə aldığını açıqlayıb.
19:28
İran İnqilab Keşikçiləri Korpusu (SEPAH) ABŞ təyyarədaşıyan gəmisi USS Abraham Linkolna raket hücumu həyata keçirdiyini açıqlayıb.
ABŞ tərəfi isə hücumu təkzib edib. ABŞ Mərkəzi Komandanlığının (CENTCOM) açıqlamasında deyilir: "İran İnqilab Keşikçiləri Korpusu USS Abraham Linkolna ballistik raketlərlə hücum etdiyini iddia edir. YALANdır. Linkoln vurulmayıb. Atılan raketlər gəmiyə belə yaxınlaşmadı. Linkoln, İran rejimindən gələn təhdidləri aradan qaldırmaqla Amerika xalqını müdafiə etmək üçün CENTCOM-un amansız kampaniyasını dəstəkləmək üçün təyyarələri buraxmaqda davam edir".
20:03
ABŞ ordusu Oman körfəzində İran hərbi gəmisini vurub. Çabahar limanı yaxınlığında hədəf alınan gəminin batdığı bildirilir.
20:22
Yeni açıqlamalar verən Tramp 48 İran rəsmisinin eyni vaxtda öldürüldüyünü açıqlayıb. İran liderləri ilə görüşəcəyini deyən Tramp Tehrandan mesaj aldığını deyib: “İran danışmaq istəyir, mən də qəbul etdim.
20:30
ABŞ ordusu İrana qarşı əməliyyatlarda üç Amerika əsgərinin öldüyünü və beşinin yaralandığını açıqlayıb. ABŞ Mərkəzi Komandanlığı (CENTCOM) bir neçə əsgərin qəlpə yaraları və beyin silkələnməsi travması aldığı və bu şəxsi heyətin xidmətə qayıtmaq prosesində olduğu barədə məlumatlar paylaşıb.
21:55
Səudiyyə Ərəbistanının vəliəhd şahzadəsi Məhəmməd bin Salman İranın Səudiyyə Ərəbistanına hücumlarını tənqid edərək, mümkün hərbi qisas əməliyyatlarına icazə verildiyini deyib.
CNN-in məlumatına görə, vəliəhd şahzadə hərbi hissələrə lazımi hazırlıqları görməyi tapşırıb və mümkün qisas variantlarını dəyərləndirmək səlahiyyəti verib. Ekspertlər xəbərdarlıq edirlər ki, Səudiyyə Ərəbistanının birbaşa hərbi cavabı Körfəzdə yeni bir cəbhə aça bilər.
22:10
İran İnqilab Keşikçiləri Korpusu açıqlama yayaraq Hörmüz boğazında və körfəzdə ABŞ və Böyük Britaniyaya məxsus 3 neft tankerini raketlərlə vurduqlarını bildirib.
Məlumatlara görə, İran Ərbil Beynəlxalq Hava Limanındakı ABŞ hərbi bazasına da zərbə endirib. Bazada partlayış baş verib və dumanlar yüksəlib.
22:33
Tramp İranın 9 hərbi gəmisini batırdıqlarını və İran Hərbi Dəniz Qüvvələrini vurduqlarını açıqlayıb.
22:35
İran xarici işlər naziri danışıqlarla İrana xəyanət edildiyini deyib.
22:39
İrana hücumlarını davam etdirən İsrail və ABŞ Tehrandakı İran Radio və Televiziya qurumunun binası hədəfə alıb. Hücumdan sonra kanallarda yayım dayandırılıb.
22:50
İsrail: “İranda 10 hərbi hədəfi vurduq”
23:32
İsrail mediası İranın Ali Lideri Ayətullah Əli Xameneyinin oğlunun öldürüldüyünü yazdı.
00:10
İranın keçmiş prezidenti Mahmud Əhmədinejadın ABŞ-İsrail hücumlarında öldürüldüyü iddiaları təkzib edilib.
Əhmədinejadın sözçüsü “Sputnik”ə açıqlamasında ölüm xəbərlərinin yalan olduğunu bildirib.
00:36
Tramp İrana hücumların nə qədər davam edəcəyi ilə bağlı açıqlama verib. ABŞ prezidenti bildirib ki, İrana qarşı əməliyyat 4 həftəyə qədər davam edə bilər.
00:44
İran Birləşmiş Ərəb Əmirliklərindəki Fransa hərbi bazasını vurub. Əbu-Dabidəki Fransa bazasına hücumun ardından Fransa Prezidenti Emmanuel Makron təhlükəsizlik şurasını iki gün ərzində ikinci dəfə çağırıb.
00:51
ABŞ-İsrail arasında İrana davam edən hücumlar və İranın qisas hücumları nəticəsində ölənlərin sayı açıqlanıb. Ölən və yaralananların sayı aşağıdakı kimidir:
İran: 201 ölü, 747 yaralı İsrail: 10 ölü, 121 yaralı ABŞ: 3 ölü, 5 yaralı BƏƏ: 3 ölü, 58 yaralı İraq: 2 ölü, 5 yaralı Küveyt: 1 ölü, 32 yaralı Qətər: 16 yaralı Oman: 5 yaralı
TAHİR
