İranın Ali Lideri Ayətullah Əli Xameneyinin gəlini və kürəkəni ABŞ və İsrail hücumlarında öldürüldüyü bildirilir.
İranın islahatçı qəzet olan "Etemad"ın məlumatına görə, Şəhər Şurasının üzvü Meysəm Mozaffar məsələ ilə bağlı açıqlama verib. Mozaffar bildirib ki, Xameneinin gəlini və kürəkəni İsrail hücumlarında həlak olub. Ölənlərin adları Dr. Həddad Adel və Mesbah olduğu qeyd edilib.
İsrail mediası ABŞ-İsrail hücumları başlananda İran lideri Əli Xameneyinin iqamətgahına 30 bomba atıldığını iddia edib. İsrail mediası isə Xameneyinin hücumlarda öldürülməsinin çox ehtimal olunduğunu bildirib.
Xameneyinin iqamətgahına 30 bomba atıldığı vurğulanan xəbərdə, hücumun ABŞ tərəfindən deyil, İsrail tərəfindən həyata keçirildiyi qeyd edilib.
Xəbərdə həmçinin Xameneyinin hərbi katibi və digər ailə üzvlərinin öldürüldüyü iddia edilib.
İsrail dövlət televiziyası KAN-ın məlumatına görə, İsrail mənbələri Xameneyi ilə əlaqənin kəsildiyini iddia edib. İsrail təhlükəsizlik mənbələri də İranın dini lideri Xameneyinin öldürüldüyünü iddia edib. "Əgər Xameneyi çıxıb canlı yayımda açıqlama verərsə, şokdan nitqimiz tutulacaq. Dəyərləndirmələrə görə, "o, artıq bizimlə deyil", amma biz son təsdiqi gözləyirik" - deyə 12-ci Kanal televiziyasına danışan yüksək vəzifəli İsrail rəsmisi bildirib.
Qeyd edək ki, İsrail ordusu Tehranda yüksək vəzifəli siyasi və hərbi rəsmilərə qarşı eyni vaxtda hücumlar həyata keçirdiyini açıqlayıb. Xameneyinin hədəf alındığı iddiaları ilə bağlı heç bir açıqlama verilməsə də, İranın vitse-prezidenti Məhəmməd Cəfər Qaimpanah ölkə prezidentinə qarşı uğursuz sui-qəsd cəhdinin olduğunu və Pezeşkinin sağ olduğunu bildirib.
İsrail mediası Xameneinin müşaviri və İranın nüvə proqramının rəhbəri Əli Şamxaninin də hədəfə alındığını iddia edib. Bildirilir ki, Təl-Əviv administrasiyası bu sui-qəsd cəhdinin uğurlu olduğuna inanır.
TAHİR
