Cenevrədə İran və ABŞ arasında Omanın vasitəçiliyi ilə keçirilən nüvə danışıqlarının üçüncü raundu baş tutub.
Omanın xarici işlər naziri Bədr əl-Busaidi irəliləyiş əldə edildiyini bildirib və Vyanada texniki danışıqların keçiriləcəyini açıqlayıb.
"X" sosial şəbəkə hesabında qeyd edib ki, İran və ABŞ nümayəndələri öz ölkələrinin rəhbərliyi ilə məsləhətləşmələrdən sonra dialoqu bərpa etmək barədə razılığa gəliblər.
"Danışıqları müvafiq paytaxtlarda aparılacaq məsləhətləşmələrdən qısa müddət sonra bərpa edəcəyik. Texniki səviyyədə müzakirələr gələn həftə Vyanada baş tutacaq", - deyə nazir vurğulayıb.
İranın xarici işlər naziri Abbas Əraqçi də görüşdən sonra bunun danışıqların ən ciddi mərhələlərindən biri olduğunu deyib: “Yaxşı irəliləyiş əldə etdik və razılaşmanın elementlərinə ciddi şəkildə daxil olduq. Texniki danışıqlar bazar ertəsi günü Vyanada keçiriləcək. İran sanksiyaların qaldırılması və yumşaldılması tələbini açıq şəkildə ifadə edib".
Amerika mediası isə ABŞ nümayəndələri UVitkoff və Kuşnerin bu dəfəki görüşlərdən məmnun olmadığını iddia edib.
TAHİR
