Qəzzada soyqırım törədən və Fələstin ərazilərini işğal altında saxlayan İsrailin Baş naziri Benyamin Netanyahu Osmanlını "işğalçı" adlandırıb.
Hindistan Baş naziri Narendra Modinin səfəri çərçivəsində İsrail Parlamentində keçirilən xüsusi iclasda çıxış edən Netanyahu Birinci Dünya müharibəsində hind əsgərlərinin onlara kömək etdiyini iddia edib.
Birinci Dünya müharibəsi zamanı İsrailin bir dövlət kimi mövcud olmamasına və Fələstində yəhudi əhalisinin çox məhdud olmasına baxmayaraq, Netanyahu o dövrdə Britaniya ordusunun sıralarında Osmanlılara qarşı Fələstində döyüşən hind əsgərlərinin "onların azadlığına kömək etdiyini" iddia edərək, Osmanlı İmperiyasını "işğalçı" olmaqda ittiham edib.
"Birinci Dünya müharibəsi zamanı, hələ Osmanlı işğalı altında olduğumuz dövrdə bu ölkəni azad etməyimizə kömək edənlər Britaniya ordusu və yəhudi döyüşçüləri də daxil olmaqla hind əsgərləri və komandirləri olub"- deyən Netanyahu bildirib ki, onlar üçün canını fəda edən hind əsgərlərini unutmayacaqlar.
Netanyahu onu da qeyd edib ki, təxminən 1,5 milyard əhalisi olan Hindistan nəhəng bir gücdür, İsrail isə, kiçik olmasına baxmayaraq, supergücdür.
SAMİRƏ
