ABŞ-da yetkinlik yaşına çatmayan qızları hədəf alan cinsi istismar və fahişəlik şəbəkəsini idarə etməkdə ittiham olunan və saxlandığı həbsxanada ölü tapılan milyarder Ceffri Epşteynlə yaxın əlaqələri olduğu və ondan bahalı hədiyyələr almaq şübhəsi ilə korrupsiyada ittiham edilən Norveçin keçmiş Baş naziri Torbyorn Yaqland intihara cəhd edib. Yaqland xəstəxanaya aparılıb. Keçmiş baş nazirin vəziyyətinin kritik olduğu bildirilir.
Norveç polisinin Yaqlandla bağlı istintaqa başlamaq qərarı ABŞ Ədliyyə Nazirliyinin bu yaxınlarda açıqladığı sənədlərdə Epşteynlə bağlı açıqlanan məlumatlardan sonra verilib. Yeni sənədlər göstərir ki, Yaqland 2014-cü ildə həyat yoldaşı, iki uşağı və oğlunun sevgilisi ilə birlikdə Florida, “Palm Beach”də və Epşteynə məxsus bir adanı ziyarət etməyi planlaşdırırmış.
Əvvəllər xarici işlər naziri və Norveç Nobel Sülh Mükafatı Komitəsinin sədri vəzifəsində çalışmış Yaqlandın 2014-cü ildə göndərilən elektron poçtda Epşteyndən Osloda bir mənzilin maliyyələşdirilməsində kömək istədiyi açıqlanmışdı. 2018-ci ildəki yazışmada isə Epşteynin Yaqlanddan Rusiya xarici işlər naziri Sergey Lavrovla görüş təşkil etməsini istədiyi və Rusiya prezidenti Vladimir Putinə təqdim etmək istədiyi bəzi fikirlərinin olduğunu bildirdiyi qeyd edilir.
Onu da qeyd edək ki, Yaqland 2009-2019-cu illərdə Avropa Şurasının Baş katibi olub.
TAHİR
