Britaniya və Fransa Ukraynanı nüvə bombası ilə silahlandırmağa hazırlaşır. Bu barədə Rusiya Xarici Kəşfiyyat Xidməti (SVR) bildirib. Məlumata görə, avropalılar silahların ötürülməsini Ukraynanın öz inkişafı kimi təqdim etməklə pərdələmək istəyirlər.
SVR-in mətbuat ofisi bildirib ki, bu iki Avropa ölkəsi Ukraynanın "möcüzə" ilə təchiz edilməsinə ehtiyac olduğuna əmin olsa da, Berlin bu "təhlükəli macərada iştirak etməkdən müdrikcəsinə imtina edib".
Rusiya agentliyi iddia edir ki, London və Paris hazırda Kiyevə komponentlərin, avadanlıqların və texnologiyanın ötürülməsini təşkil etməyə çalışır.
SVR əmin edib ki, Britaniya və Fransa Nüvə Silahlarının Yayılmaması Müqaviləsini pozmaq məsuliyyətindən yayına bilməyəcək. "Gizli olan hər şey qaçılmaz olaraq aşkara çıxır", - deyə kəşfiyyat xidməti yekunlaşdırıb.
SAMİRƏ
