ABŞ-ın Yaxın Şərqə hərbi qüvvə yerləşdirməsi fonunda açıqlamalar verən İran Prezidenti Pazeşkian Vaşinqtona “biz müharibə istəmirik” mesajı verib.
Pazeşkian ABŞ-ın İranda demokratiya ilə bağlı narahatlığının aldatmadan başqa bir şey olmadığını vurğulayıb: "ABŞ Venesuela neftini ələ keçirmək istəyini açıq şəkildə bildirib. Kanada və digər ölkələrə qarşı da oxşar mövqe tutur. Biz müharibə istəmirik. Hesab edirəm ki, müharibəni kənara qoymalıyıq. Lakin, əgər güc tətbiq olunarsa, biz təslim olmayacağıq".
O, həmçinin daxili məsələlərə də münasibət bildirib: "Lorestan, Şərqi və Qərbi Azərbaycan, Sistan-Bəlucistan, Şimali və Cənubi Xorasan, Xuzistan və hətta bir çox digər bölgələrdəki ədalətsizliyin fərqindəyik. Lakin biz bu ədalətsizliyi aradan qaldırmağa çalışırıq. Əlbəttə ki, bunlar bir gecədə həll edilə biləcək problemlər deyil".
Pezeşkiyan həmçinin İran cəmiyyətinin böyük təzyiq altında olduğunu və buna görə də "yaralı" olduğunu bildirərək, ziyalıları, sosioloqları, sahibkarları, dini liderləri və cəmiyyətdəki tanınmış fikir liderlərini bu təzyiqi azaltmaq üçün birlikdə çalışmağa çağırıb.
TAHİR
