Danışıqlar aparıldığı bir vaxtda ABŞ hava, dəniz qüvvələri İrana yaxın ərazilərdə toplanmağa davam edir. Monitorinq resursları ABŞ və Avropadakı müxtəlif hava bazalarından Yaxın Şərqə 36 ABŞ Hərbi Hava Qüvvələrinə məxsus F-16 qırıcısının və 12 beşinci nəsil F-22 qırıcısının yola düşdüyünü bildirib.
Hava qüvvələrinin bu cəmləşməsi Vaşinqtonun Tehrana hərbi təzyiqinin bir elementi və Amerikanın ABŞ Mərkəzi Komandanlığının məsuliyyət zonasında mövcudluğunu sürətlə artırmağa hazırlığının nümayişi kimi qəbul edilə bilər. Hazırda amerikalılar həm diplomatik, həm də hərbi vasitələrdən eyni vaxtda effektiv şəkildə istifadə edirlər - danışıqlar rəsmi olaraq başa çatıb, lakin onların əməliyyat qrupu eyni vaxtda gücləndirilir.
Bundan əlavə, 16 fevralda monitorinq resursları əvvəllər yerləşdirilən təyyarələrə əlavə olaraq altı Boeing KC-135 Stratotanker tankerinin və 18 ABŞ Hərbi Hava Qüvvələrinin beşinci nəsil F-35 qırıcısının Böyük Britaniyadan Yaxın Şərqə yola düşdüyünü bildirir. Bunlar bir daha göstərir ki, ABŞ İrana hücum etməyə hazırlaşır. Bu fonda əraziyə “KC-46 Pegasus” tanker təyyarəsi də yerləşdirilib.
Samirə SƏFƏROVA
