ABŞ Prezidenti Donald Tramp Qəzzada humanitar vəziyyət və bölgədə davam edən yenidənqurma səyləri ilə bağlı mühüm açıqlamalar verib. Beynəlxalq ictimaiyyətin humanitar böhranı aradan qaldırmaq və infrastrukturu yenidən bərpa etmək üçün səfərbər olduğunu bildirən Tramp, prosesin vaxt cədvəli və maliyyə aspektləri barədə məlumatlar paylaşıb.
Tramp fevralın 19-da Vaşinqtondakı Sülh İnstitutunda Qəzza Sülh Komitəsinin üzvləri ilə görüşəcəyini deyib.
Görüşün məzmunu və maliyyə aspektləri ilə bağlı təfərrüatları bölüşən Tramp üzv dövlətlərin Qəzza üçün səfərbər olduğunu vurğulayıb və bölgə üçün böyük bir büdcənin hazırlandığını qeyd edib: "Üzv dövlətlərin Qəzzada humanitar yardım və yenidənqurma səylərinə 5 milyard dollardan çox vəsait ayırdığını elan edəcəyik".
Bu resursun bölgədəki humanitar yardım fəaliyyətləri, eləcə də müharibənin izlərini silməyə yönəlmiş yenidənqurma layihələri üçün istifadə ediləcəyi bildirilir.
Tramp beynəlxalq maraqlı tərəflərlə bu koordinasiyanın Qəzzanın gələcəyi üçün çox vacib olduğunu vurğulayıb.
ABŞ Prezidenti üzv dövlətlərin Qəzza zolağına yerləşdirilməsi planlaşdırılan Beynəlxalq Sülhməramlı Qüvvələri üçün də minlərlə personal ayırdığını bildirib: "Sülh Şurası tarixin ən vacib beynəlxalq təşkilatı olduğunu sübut edəcək və ona sədrlik etmək mənim üçün şərəfdir".
TAHİR
