İran prezidenti Məsud Pezeşkian Gülüstan əyalətində keçirilən bir tədbirdə milli valyutanın devalvasiyasına toxunub.
Pezeşkian, İranın keçmiş prezidenti Məhəmməd Xatəminin prezidentliyi dövründə səhiyyə nazirinin müavini işlədiyi dövrdən bir hekayə danışaraq deyib: "Bir gün bir kəndə getdik. Gələndə hər ikisi həkim olan evli bir cütlüyün gecəyə qədər işlədiyini gördük. Bu, onlara yaxşı maaş verməyimizlə bağlı idi.
O vaxt 6 min tümən 6 min dollara bərabər idi. Valyutanın devalvasiyası ilə bu gün mən prezident olaraq 1000 dollar maaş alıram. Problem də budur. Amma bütün bunlardan əlavə, üstünlüyü ilk növbədə profilaktik tədbirlərə və səhiyyə mərkəzlərinə verməliyik”.
İran prezidenti Məsud Pezaşkyan 16 sentyabr 2024-cü ildə qatıldığı bir proqramda jurnalistin nə qədər maaş alması və prezident seçkilərinə nə qədər xərclədiyi ilə bağlı sualına cavab olaraq deyib: "Seçki ofisinə xərcləməyə pulum yox idi. İmkanı olanlar gəlib kömək etdilər. Hətta bəziləri pul və dollar borc verdilər. Sonradan hamısını geri qaytardım".
Maaşı ilə bağlı suala gəldikdə isə Pezeşkian nə qədər maaş aldığını bilmədiyini deyib: "Nə qədər maaş aldığımı da bilmirəm. Amma deyirlər ki, hər ay hesabıma 60-70 milyon tümən (təxminən 1000 dollar) köçürülür. Bizə nə qədər ödəniş edilir və biz nə qədər alırıq, düzünü desəm, bu prosesin necə işlədiyini bilmirəm. Aldığım maaşa da nəzarət etmirəm. Bu puldan istifadə etməyə heç bir ehtiyacım yoxdur. Mənim üçün pulun ardınca qaçmağın vaxtı bitdi. Nə vəzifə, nə rütbə, nə də mal-mülk ardınca düşmürəm. Həyatımın bu mərhələsində bunların heç biri məni narahat etmir. Yeganə məqsədim insanların başlarını dik tutması və rahat yaşamasıdır".
TAHİR
