Azərbaycanda yaşayan jurnalist Serdar Şengülün Beynəlxalq Münasibətlər və Təhlükəsizlik Siyasəti üzrə mütəxəssis Sinan Yıldız ilə birgə apardığı verilişdə gündəmə gətirdiyi, ABŞ-li rəsmi şəxslərin Ercan Hava Limanında yoxlamalar apardığı, mümkün böhran ssenariləri çərçivəsində ABŞ vətəndaşlarının təxliyəsi və genişgövdəli Amerika hərbi və mülki təyyarələrinin Ercana eniş imkanlarının qiymətləndirildiyi ilə bağlı məlumatlar Kuzey Kıbrıs Türk Cümhuriyyəti (KKTC) ictimaiyyətində geniş rezonans doğurub.
Sözügedən açıqlamalar bu gün Kıbrıs qəzeti tərəfindən manşetə çıxarılarkən, yaranan müzakirələrdən sonra KKTC Bayındırlıq və Nəqliyyat naziri Erhan Arıklı məsələ ilə bağlı rəsmi açıqlama verdi. Nazir Arıklı bildirib ki, aparılan yoxlamalar CİA tərəfindən deyil, ABŞ Konsulluq rəsmiləri tərəfindən, KKTC qurumlarının bilgisi və icazəsi daxilində, müntəzəm və prosedur çərçivəsində həyata keçirilir.
ABŞ Səfirliyindən rəsmi təsdiq
Müzakirələrin ardınca ABŞ-ın Cənubi Kıbrısdakı Böyükelçiliyi də məsələ ilə bağlı rəsmi açıqlama yayımladı. Açıqlamada, ABŞ vətəndaşlarının KKTC Ercan Hava Limanından istifadə etmələri səbəbilə, Kıbrıs Türk səlahiyyətliləri ilə görüş keçirildiyi və hava limanında texniki yoxlamalar aparıldığı təsdiqlənib. ABŞ Böyükelçiliyinin açıqlamasında qeyd olunur: “Amerika Birləşmiş Ştatları üçün ABŞ vətəndaşlarının təhlükəsizliyi ən yüksək prioritetdir. Bu çərçivədə ABŞ Böyükelçiliyi, Ercan hava əməliyyatlarını həyata keçirən Kıbrıs Türk tərəfi ilə görüşlər aparmışdır.” Açıqlamada, yoxlamalardan sonra ABŞ-li rəsmilərin Ercan Hava Limanının mövcud vəziyyətinə görə KKTC səlahiyyətlilərinə təşəkkür etdikləri, həmçinin Amerika vətəndaşlarının Ercan vasitəsilə Kıbrısa giriş etdikləri xüsusi olaraq vurğulanıb.
Verilişdən sonra açıqlanan məlumatlar təsdiq olundu
Azərbaycandan yayımlanan verilişdən sonra ortaya çıxan bu faktlar Ercan Hava Limanının təkcə mülki aviasiya baxımından deyil, eyni zamanda regional təhlükəsizlik, fövqəladə hallar və beynəlxalq böhran ssenarilərində strateji əhəmiyyət daşıyan bir mərkəz olduğunu bir daha gündəmə gətirib. Nazirlik və ABŞ Böyükelçiliyinin açıqlamaları, ilk dəfə ictimaiyyətə təqdim edilən məlumatların rəsmi və diplomatik mənbələr tərəfindən təsdiqləndiyini göstərmiş oldu.
SAMİRƏ
