Rusiyanın xarici işlər naziri Sergey Lavrov Fransanı Afrikada "arzuolunmaz hökumətləri devirməyə çalışmaqda" günahlandırıb. Paris hökumətinin terror təşkilatlarına güvəndiyini iddia edən Lavrov, Fransa prezidenti Makronu hədəfə alıb.
Lavrov bildirib ki, Fransa kimi keçmiş müstəmləkə gücünün Səhra-Saheldə oyunçu olmayan hökumətləri niyə yolundan çıxarmağa çalışdığı hər kəsə aydındır.
O əlavə edib ki, Fransız elitasının hələ də bölmə və fəth etmə prinsipilə hərəkət etməs təəssüf doğurur: “Bu prinsip artıq milyonlarla afrikalının həyatına başa gəlib. Makron administrasiyası narazı olduğu Afrika ölkələrində çevrilişlər etmək üçün bütün addımları atır".
Lavrov həmçinin Avropanı da hədəf alıb və bildirib ki, Avropa Rusiyanın gözündə etibarını tamamilə itirib.
Strateji sabitliyin pozulduğunu deyən Lavrov, Avropa siyasətçilərinin Rusiyaya qarşı ittihamlarına sərt reaksiya verib: "Poltava, Stalinqrad, bütün bunlar Avropa siyasətçilərinin yeni nəsli tərəfindən unudulub".
Avropa ilə münasibətlərə gəldikdə isə, o, açıq şəkildə bildirib ki, Moskvadan bu istiqamətdə hər hansı bir işarə və ya təşəbbüs olmayacaq: “Bunu istəyirlərmi? Yenidən düşünəcəklər. Zəhmət olmasa, bizimlə əlaqə saxlayın. Biz də bu istəkləri maraqlarımıza uyğun olaraq qiymətləndirəcəyik".
O, "təhdidlər və şantajların Rusiyanın siyasətinə təsir etməyəcəyini" bildirib.
Lavrov deyib ki, Avropanın ağlı başına gəlib və indi bizə siqnal göndərməyə çalışırlar. Liderlər səviyyəsində əlaqələrə gəldikdə isə, o deyib ki, Putinlə birbaşa əlaqə saxlayan heç bir dünya lideri rədd cavabı almayı".
TAHİR
