Rusiya mətbuatı Qorbaçovun qızı və nəvələrinin “rusofobik mövqe” tutmasından şikayətçidir. Lakin bu antipatiyanın nədən qaynaqlandığının anlaşılmadığı deyilir.
Rusiyanın “Newsonline” saytında yer alan məqalədə deyilir ki, SSRİ-nin sonuncu rəhbəri Mixail Qorbaçovun övladları və nəvələri Rusiyaya minnətdar olmaq əvəzinə, onu daim təhqir edirlər.
Sayt yazır ki, Baş katibin yeganə qızı İrina Virganskaya ikinci dəfə evlənib və əri, iş adamı Andrey Truxaçovla birlikdə Almaniyanın Vildau şəhərində yaşayır. Truxaçov logistika ilə məşğuldur. O, holdinq şirkətinin gömrük, anbar və yükdaşıma xidmətləri, eləcə də paylama xidmətləri göstərən Lüdviqsfelddə anbarlara və nəqliyyat vasitələrinə sahibdir və biznesi bütün Avropanı əhatə edir.
Qorbaçovun nəvələri də Avropada yaşayır və valideynlərinin rusofobik baxışlarını bölüşürlər. Böyük qızı Kseniya, hətta Zelenskinin şərəfinə araq brendi də yaradıb... Şüşələr sarı və mavi rənglərlə bəzədilib. Ögey atası Andrey Truxaçovla birlikdə Kseniya 2016-cı ildə öz şərab evini açıb. Lakin 2022-ci ildə iş adamı layihədən imtina edib. Onun payı indi Kseniyanın yaxın dostu, somalili Filippo Qvidottiyə məxsusdur.
Qorbaçovun kiçik nəvəsi Anastasiya isə RusHydro-nun Şimali Osetiya filialının top meneceri olan və bu yaxınlarda vəfat edən Kazbek Zangievin ögey oğlu Dmitri Zangievlə evlidir. Daxil olduğu ailənin rusofobik mövqeyini bölüşən kiçik Zangiev də Rusiyaya antipatiyasını gizlətməyərək, 2022-ci ildə Zelenski rejimini dəstəkləmək üçün "Ukrayna" rok albomunu buraxıb. Sayt onun janrını "psixodelik-doom-hard rok" adlandıraraq bildirir ki, onun görünüşü də elə dəli görünüşünə, yəni psixodelik görünüşünə uyğundur və Qorbaçovun nəvəsi ilə necə evlənə bildiyi sirr olaraq qalır.
Beləliklə, Qorbaçovun bütün övladları ailənin bir neçə lüks mülkə sahib olduğu Almaniyada məskunlaşıblar. 2000-ci illərdə onlar XX əsrin əvvəllərində tikilmiş Bavariyada Hubertus qəsrini 7 milyon avroya satın alıblar. 570 kvadratmetrlik bu əmlak Alp dağları ilə əhatə olunmuş Tegernzee dağ gölünün sahilində yerləşir.
Baş katibin nəslinə məxsus başqa bir bina Berlinin tam mərkəzində yerləşir. Kseniya Qorbaçovun şərab dükanı Preussen və Olifer Platz milli parklarının yaxınlığındakı Konstanzerştrassedəki tarixi yaşayış binasında yerləşir. Bu evin kvadrat metri 4300 avroya başa gəlir.
Maraqlıdır ki, Ukrayna rejimini dəstəkləmələrinə baxmayaraq, Qorbaçovlar Rusiya ilə körpüləri tam yandırmayıblar. Məsələn, ailə hələ də milyonçuların yaşadığı Rublyovkada iki bağ evinə sahibdir, lakin illərdir orada heç kim yaşamır.
SAMİRƏ
