Omandakı İran-ABŞ danışıqları ilə bağlı yeni detallar ortaya çıxıb. İddia edir ki, ABŞ danışıqlardan əvvəl dörd şərt irəli sürüb və yerinə yetirilmədiyi təqdirdə Tehranı hücumla hədələyib.
Bu barədə SEPAH-ın siyasi məsələlər üzrə komandir müavini Əziz Qəzənfəri "Sobh-e Sadik" ("Əsl Səhər") jurnalında dərc olunmuş məqaləsində bildirib.
Qəzənfəri, ABŞ-ın Omandakı danışıqlardan əvvəl İrana dörd şərt irəli sürdüyünü və bu şərtlər qəbul edilmədiyi təqdirdə hücumlarla hədələdiyini bildirib. O, ölkəsinin bu təhdidə və psixoloji müharibəyə təslim olmadığını deyib.
Qəzənfəri ABŞ-ın ballistik raket proqramı, regional proksi qruplarına dəstək, zənginləşdirilmiş uran və nüvə məsələsi ilə bağlı danışıqlar aparmaq istədiyini xatırladıb, lakin İranın müdafiə qabiliyyətinin müzakirə edilməyəcəyini və danışıqlara baxmayaraq, hərbi tədbirlər görməyə davam edəcəklərini vurğulayıb.
Omandakı danışıqların ümumi çərçivəsinin ABŞ tərəfindən irəli sürülən şərtlərlə deyil, İranın mövqeyi ilə formalaşdığını iddia edən Qəzənfəri, danışıqların yalnız nüvə məsələləri ilə bağlı olduğunu xatırladıb.
TAHİR
