İsrail müdafiə rəsmiləri bu yaxınlarda ABŞ-lı həmkarlarına İranın ballistik raket proqramının mövcudluq üçün təhlükə yaratdığını və Təl-Əvivin lazım gələrsə birtərəfli hərəkətə keçməyə hazır olduğunu bildiriblər.
"The Jerusalim Post" nəşrinə danışan təhlükəsizlik mənbələrinə görə, İsrailin İranın raket imkanlarını və istehsal infrastrukturunu dağıtmaq niyyəti son həftələrdə bir sıra yüksək səviyyəli mübadilələr vasitəsilə bildirilib. Hərbi rəsmilər proqramı zəiflətmək üçün əməliyyat konsepsiyalarını, o cümlədən əsas istehsal müəssisələrinə zərbələr endirməyi açıqlayıblar. Mənbə bildirib ki, İsrail hələ bu həddə çatmayıb, lakin İran daxilindəki inkişafları davamlı olaraq izləyir: "Biz amerikalılara dedik ki, İran ballistik raketlər üçün müəyyən etdiyimiz qırmızı xətti keçərsə , təkbaşına zərbə endirəcəyik ". Rəsmilər İsrailin hərəkət azadlığını qoruduğunu vurğulatıblar və İranın İsrailin mövcudluğunu təhdid edəcək miqyasda strateji silah sistemlərini bərpa etməsinə icazə verməyəcəyini qeyd ediblər. Müdafiə rəsmilərindən biri hazırkı anı İranın raket infrastrukturuna əhəmiyyətli zərbə vurmaq və İsrailə və qonşu dövlətlərə qarşı aktiv təhdidləri neytrallaşdırmaq üçün "tarixi fürsət" adlandırıb.
Rəsmi məlumata görə, son danışıqlar zamanı İsrail ABŞ-a raket proqramı ilə əlaqəli əlavə obyektləri hədəf almaq planlarını da təqdim edib. Bir neçə rəsmi ABŞ prezidenti Donald Trampın Yəməndə husilərə qarşı ABŞ-ın son əməliyyatlarına bənzər məhdud hücum modelini tətbiq edə biləcəyi ilə bağlı narahatlıqlarını dilə gətirib. Onlar bunun İranın vacib imkanlarını toxunulmaz saxlaya biləcəyindən qorxurlar. Başqa bir hərbi rəsmi bildirib: "Narahatlıq ondadır ki, o, bir neçə hədəf seçə, uğur elan edə və İsraili husilərdə olduğu kimi nəticələrin həlli üçün tərk edə bilər". O əlavə edib ki, qismən tədbirlər əsas təhlükəni aradan qaldırmayacaq. Bu arada İsrail Müdafiə Qüvvələri daxilində yeni hava qüvvələri komandanı briqada generalı Ömər Tişlerin baş nazir Benyamin Netanyahunu ABŞ-a qarşıdan gələn səfərində müşayiət etməsi gözlənilir. Müdafiə naziri İsrael Katzın hərbi təyinatlıların namizədini təsdiqləməmək qərarından sonra hazırda Vaşinqtonda müdafiə attaşesi olmadığı üçün Tişler İsrail Müdafiə Qüvvələrinin Baş Qərargah rəisi general-leytenant Eyal Zamiri təmsil edəcək.
Nahid SALAYEV
