ABŞ Cənubi Koreyadan gələn mallara ticarət tariflərini 15%-dən 25%-ə qədər artırır. Bu barədə ABŞ prezidenti Donald Tramp məlumat verib. Üstəlik qeyd edib ki, bu addımı sözügedən ölkənin qanunverici orqanının acığına atıb.
"Prezident Li Ce Myonq və mən 30 iyul 2025-ci ildə hər iki ölkə üçün əla bir razılaşma əldə etdik və 29 oktyabrda Cənubi Koreyaya səfərim zamanı onun şərtlərini yenidən təsdiqlədik. Koreya qanunverici orqanı niyə hələ də qəbul etməyib? Əlbəttə ki, onların hüququ olan tarixi ticarət sazişimizi qəbul etmədikləri üçün mən bununla Cənubi Koreya tariflərini qaldırıram", - Tramp Truth Social-da yazıb.
Qeyd edək ki, ABŞ Prezidenti daha əvvəl razılaşmaya görə tariflərin 25%-dən 15%-ə endiriləcəyini açıqlamışdı.
Daha sonra Amerika lideri Seulun tariflərin endirilməsi üçün 350 milyard dollar ödəməyə razı olduğunu da bildirdi. Bundan əlavə, Cənubi Koreya ABŞ-dan çoxlu miqdarda Amerika nefti və qazı almağa razı oldu. Tramp qeyd etdi ki, Cənubi Koreya şirkətlərinin ABŞ-a investisiyaları 600 milyard dolları keçəcək.
Onun sözlərinə görə, bu tariflərə avtomobillər, taxta, əczaçılıq məhsulları və "digər qarşılıqlı tariflər" tarifləri daxildir.
SAMİRƏ
