Kremlin sözçüsü Peskov ABŞ prezidenti Donald Trampın "güc vasitəsilə sülh" prinsipinə əsaslanan yanaşmasını tənqid edib. Peskov Trampın siyasətdə "amansız bir iş adamı kimi davrandığını" iddia edib:
"Onun tətbiq etdiyi metodlar çoxqütblü dünya haqqında anlayışımızla tam uyğun gəlmir. Tramp "başqalarını diz çökdürməklə hər şeyi həll etməyin" tərəfdarıdır. Özü bunun, "güc vasitəsilə həll" olduğunu deyir. Bizim nöqteyi-nəzərimizdən bu, "başqalarını diz çökdürmək" deməkdir. Əsas odur ki, biz bunu etməməliyik."
dünyanın dərin və sürətli dəyişiklik prosesindən keçdiyini qeyd edən Peskov, Trampın Avropa siyasətçiləri ilə yazışmalarını dərc etməsinə də toxunub. Peskov Avropadakı reaksiyaların ikili standartlara əsaslandığını deyib: "Tramp Makronla yazışmalarını dərc edəndə bütün avropalılar ayağa qalxdı. Lakin Makron Putinlə yazışmalarını dərc edəndə heç kim reaksiya vermədi".
Peskovun sözlərinə görə, bütün bu hazırkı müzakirələr Avropada uzun illərdir hökm sürən "ikili standartlar və ikiüzlülük"ün təbii nəticəsidir.
TAHİR
