Ukrayna ordusu Kupyansk şəhərini Rusiya işğalından azad edib. Ukrayna Silahlı Qüvvələrinin Quru Qoşunları ehtiyatçıları şurasının sədri İvan Timoçko bildirib ki, Kupyansk şəhəri rus qüvvələrindən demək olar ki, tam azad edilib. Hazırda şəhərin yalnız bir hissəsində rusların bir neçə kiçik qrupu mühasirəyə alınıb.
O, qeyd edib ki, ruslar gözlədikləri nəticələrə nail ola bilməyiblər. Onun sözlərinə görə, hazırda Ukraynanın müdafiəçiləri işğalçıları mühasirəyə alırlar. Timoçkonun sözlərinə görə, Ukraynanın müdafiə qüvvələri şəhərə və onun ətrafına, eləcə də düşmənin irəliləmə marşrutuna nəzarət edir.
"Şəhərin azad edilməsi ilə bağlı məlumat birmənalıdır. Rus əsgərləri təcrid olunub və mühasirəyə alınıb – bu, ilk hal deyil. Böyük sayda qüvvəni hücuma göndərmək mümkündür ki, tez və açıq şəkildə bütün bloklananların məhv edildiyini elan edəsən. Lakin bu, insan itkisi və silah baxımından əhəmiyyətli resursların sərfi deməkdir. Buna görə də hər zaman düşməni elə dərəcədə zəiflətmək daha məqsədəuyğundur ki, müqavimət göstərmək qabiliyyətini itirsin. Daha sonra isə onları tamamilə məhv etmək olar, amma bu həmişə vaxt tələb edir", – deyə Timoçko bildirib.
TAHİR
