Ukrayna Baş nazirinin birinci müavini və rəqəmsal transformasiya naziri Mixail Fedorov ölkənin yeni Müdafiə naziri olacaq. Ukrayna Prezidenti Zelenski 2 yanvar video müraciətində bildirib ki, o, bu vəzifədə Denis Şmıhalın yerinə gələcək.
"Mən Mixail Fedorovu yeni müdafiə naziri vəzifəsinə təklif etdim. Mixail dron məsələlərini dərindən bilir və dövlət xidmətləri və proseslərinin rəqəmsallaşdırılmasında çox təsirli olub", - deyə Zelenski bildirib.
O, Fedorovun orduda lazımi dəyişiklikləri həyata keçirə və onun texnoloji inkişafını artıra biləcəyinə inandığını deyib.
Mixail Fedorov 1991-ci ildə Zaporojye bölgəsində anadan olub. 34 yaşında o, Ukrayna tarixində ən gənc müdafiə naziri olacaq.
Rəqəmsal transformasiya naziri Mixail Fedorov Zelenski komandasının əsas fiqurlarından biri hesab olunur. Məhz onun təşəbbüsü ilə “Diya” platforması yaradılıb və ölkədə yüksək texnologiyaların tətbiqi prosesi onun nəzarəti altında həyata keçirilib.
TAHİR
