ABŞ Mərkəzi Kəşfiyyat İdarəsinin, Rusiyanın neft emalı zavodları və sanksiyalardan yayınmaq üçün istifadə etdiyi "kölgə donanmasına" dəqiq zərbələrlə bağlı Ukrayna ordusuna gizli təlimlər keçdiyi ortaya çıxıb.
Britaniyanın "The Telegraph" qəzeti yazır ki, məqsəd müharibəsini maliyyələşdirən Moskvanın enerji infrastrukturunu sıradan çıxarmaq olub.
ABŞ kəşfiyyatının araşdırmalar göstərir ki, Ukraynanın son aylarda neft emalı zavodlarına hücumları Rusiya iqtisadiyyatına gündə təxminən 75 milyon dollara başa gəlir. Vaşinqton mənbələri bildirirlər ki, bu itki həm Moskvanın hərbi büdcəsinə, həm də enerji ixracı gəlirlərinə birbaşa təsir göstərir.
Rəsmilər bildirirlər ki, MKİ Ukraynaya neft emalı zavodlarında vacib texniki komponentləri necə hədəfə almaq, sanksiyalardan yayınmaq üçün istifadə edilən tanker şəbəkəsini ("kölgə donanması") necə izləmək və iqtisadi təsirini maksimum dərəcədə artırmaq üçün hücumları necə planlaşdırmaq barədə məsləhətlər verib.
Qərb təhlükəsizlik dairələri vurğulayır ki, bu strategiya Rusiya üçün hərbi təzyiqdən daha təhlükəli bir vəziyyət yaradır, çünki bu, uzunmüddətli perspektivdə müharibənin maliyyələşdirilməsini birbaşa zəiflədir. Qeyd edilir ki, enerji infrastrukturuna dəyən ziyanın aradan qaldırılması aylarla çəkəcək və neft emalı zavodlarının gücünün azalması Moskvanın ixrac gəlirlərinə daimi təsir göstərir.
Mütəxəssislərin fikrincə, bu yanaşma Ukraynanın hərbi mübarizəni iqtisadi müharibə ilə birləşdirdiyi yeni bir doktrinanı özündə əks etdirir.
TAHİR
