Bəzi ölkələr Rusiya vətəndaşlarının beşillik qeyri-biometrik pasportlarını tanımır. Artıq 10-dan çox Avropa İttifaqı (Aİ) ölkəsi bu cür sənədlərlə ölkəyə girişinə qadağa qoyub. Belə ki, köhnə tipli rus pasportlarını qəbul etməyən, yəni sahibinin biometrik məlumatlarını ehtiva edən elektron çipi olmayan ölkələrin siyahısı genişlənib.
Baki-xeber.com "RosBalt"a istinadən xəbər ki, Avropa Komissiyasının saytında verilən məlumata görə, bu qayda yanvarın 1-dən Almaniya və Rumıniyada qüvvəyə minib.
Litva və Latviya rəsmiləri 2025-ci ilin yayında Danimarka, Fransa, Çexiya və Estoniyadan sonra oxşar qərarı qəbul ediblər. Lakin bu tədbir Litva sərhədindən Kalininqrad vilayətinə və geriyə dəmir yolu ilə gedən Rusiya vətəndaşlarının tranzit gedişinə təsir göstərməyib. Norveç, Malta, Finlandiya və İslandiya da biometrik olmayan pasportlarla səyahətə məhdudiyyətlər qoyub.
Dekabrın sonunda Polşa rəsmiləri 2026-cı il aprelin 1-dən Rusiya vətəndaşlarının biometrik olmayan pasportlarının tanınmasını da dayandıracaqlarını açıqladılar.
Bundan əvvəl Avropa İttifaqının ruslar üçün Şengen vizalarını məhdudlaşdırmaq planından imtina etdiyi bildirilirdi. Bu qərar Aİ daxilində aylarla davam edən müzakirələrin sona çatması ilə nəticələnib. Gözlənilirdi ki, yeni tədbirlər paketi həm giriş meyarlarını sərtləşdirmək üçün ümumi tövsiyələri, həm də Euractiv-ə görə, turistlərə tam qadağa ilə bağlı radikal variantı daxil edə bilər. Lakin Avropa Komissiyası son nəticədə bu tədbiri sanksiyalar paketinin yekun variantından çıxarıb.
Bir gün əvvəl "RosBalt" xəbər vermişdi ki, Aİ-nin Rusiyaya təzyiq etmək planları Tramp tərəfindən pozulub.
Bundan başqa, 2026-cı ilin yanvarın 1-dən rusiyalı diplomat və xidməti pasport sahiblərinə, biometriya çipi olmayan sənədlərlə bir neçə ölkəyə girişi qadağan edilib.
Hazırda Rusiyada iki növ pasport mövcuddur: biometrik və qeyri-biometrik. Qeyri-biometrik pasportlar beş il müddətinə, daha ucuz və qısa zamanda verilir; biometrik pasportlar isə on il müddətinə hazırlanır.
İradə SARIYEVA
