Şimali Koreya lideri Kim Çen Inın ilin ilk günündə qızı Kim Cu-e ilə birlikdə simvolik olaraq əhəmiyyətli ailə məqbərəsini ziyarət etməsi qızını varisi kimi görüb-görməməsi ilə bağlı müzakirələri yenidən alovlandırıb.
Anadolu Agentliyinin xəbərinə görə, Kim yeni ilin başlanğıcı münasibətilə ölkənin qurucusu Kim İr Sen və digər ailə üzvlərinin məqbərələrinin yerləşdiyi Kumsusan Günəş Sarayını ziyarət edib.
Yüksək vəzifəli dövlət məmurlarının da qatıldığı səfərin görüntülərində Ju-ae atası ilə birlikdə ön sırada və tam mərkəzdə görüntülənib.
Associated Press-ə danışan Cənubi koreyalı ekspertlər "Şimali Koreya rejiminin legitimliyinin simvolu" kimi xarakterizə etdikləri saraya səfərin siyasi cəhətdən planlaşdırılmış bir addım olduğunu iddia ediblər.
Cənubi Koreyanın Yonhap xəbər agentliyinə danışan ekspertlər də səfərin 2013-cü ildə anadan olduğu düşünülən Ju-ae-ni "potensial varis" kimi diqqət mərkəzinə gətirmək məqsədi daşıdığını irəli sürüblər.
Ekspertlər hesab edir ki, Ju-ae-nin statusu bu ilin əvvəlində keçirilməsi gözlənilən Koreya İşçi Partiyasının 9-cu qurultayında aydınlaşdırılacaq və orada 5 illik inkişaf planı müəyyən ediləcək.
2022-ci ildə dövlət mediasında ilk dəfə göründüyündən bəri Kim Ju-ae atası Kim Çen Inı hərbi paradlar və raket sınaqları da daxil olmaqla çoxsaylı tədbirlərdə müşayiət etməklə diqqəti cəlb edib.
Cənubi Koreyanın Milli Kəşfiyyat Xidməti (NIS) 2024-cü ilin yanvar ayında verdiyi qiymətləndirmədə Ju-ae-ni Şimali Koreyanın "ən çox ehtimal olunan varisi" adlandırıb.
SAMİRƏ
