Rusiyanın Ukraynaya müdaxiləyə başladığı 2022-ci ildə ölkədə azalan milyarderlərin sayı indi əvvəlkindən xeyli çoxdur. ABŞ və Qərbin tətbiq etdiyi sanksiyalara baxmayaraq, Rusiya Ukrayna müharibəsi zamanı iqtisadi çöküş yaşamadı. Bəs Rusiya lideri Putin varlı iş adamlarını necə öz ətarfında saxlaya bildi?...
Rusiyanın Putinin 24 fevral 2022-ci il əmri ilə Ukraynaya müdaxiləsindən sonra ABŞ və Qərb ölkələri Ukraynaya qarşı zorakı hücumlara cavab olaraq Rusiyaya sanksiyalar tətbiq etməyə başlayıb. Əvvəllər Moskvanın bu sanksiyalar nəticəsində iqtisadi çöküş yaşayacağı gözlənilirdi, lakin bu, baş vermədi.
Digər tərəfdən sanksiyalar altında olan Moskvadakı varlı rusların Putinə qarşı çıxacağı gözlənilsə də, bunun da əksi baş verdi. Varlıların bir çoxu Putinin tərəfini tutdu. Hətta sonrakı illərdə varlı şəxslərin sayında artm müşahidə edilməyə başlandı. 2022-ci ildə ölkədəki milyarderlərin sayı bir ildə 117-dən 83-ə düşdü. Varlı rusların sərvəti orta hesabla 27 faiz azaldı. Lakin təxminən dörd il davam edən müharibəyə baxmayaraq, bu vəziyyət gözlənilmədən dəyişməyə başladı. Hazırda Rusiyada 140 milyarder var.
Maraqlıdır müharibədən zərər çəkən bir ölkədə milyarderlərin sayı necə artır?
Bununla bağlı araşdırma aparan BBC, Putinin varlı rusları səssiz rejim tərəfdarlarına çevirdiyini bildirir. Rusiyada talelərinin pəncərələrdən və ya pilləkənlərdən yıxılıb həyatını itirən varlı ruslara bənzəməsini istəməyənlər qorxusundan siyasətdən kənarda qalmağı üstün tuturlar.
Qərb şirkətləri sanksiyalar səbəbindən Rusiyanı tərk etdilər. Bu, rus iş adamları üçün yeni fürsətlər açdı. Hərbi xərclərin artması da birbaşa və ya dolayı yolla iş adamlarına fayda verdi. Onların çoxu Kremllə yaxşı münasibətlər saxlamağa çalışdı və bu sədaqətin qarşılığını da aldılar.
Putinin hakimiyyətə gəlməsində əsas rol oynadığı deyilən Boris Berezovski kimi, keçmişdə ölkə siyasətinə təsir edən şəxslər artıq Rusiyada görünmür. Rusiyanın Ukraynaya hücumlarını tənqid edən Oleq Tinkov kimi şəxslər isə şirkətlərini ucuz qiymətə satıb ölkəni tərk etməyə məcbur qaldılar. 58 yaşlı iş adamı İnstaqramda, müharibəni tənqid etdikdən dərhal sonra Kremlin şirkət rəhbərləri ilə əlaqə saxladığını bildirib. Tinkovun sözlərinə görə, şirkət rəhbərlərinə, onun “Tinkoff Bank”la əlaqələrini kəsməyəcəyi halda, ölkənin ikinci ən böyük bankının milliləşdiriləcəyi deyilib:
"Qiyməti müzakirə edə bilmədim. Bu, girov vəziyyəti kimi idi - nə verilirsə, qəbul edirsən, danışıqlar olmur".
Tinkov iddia edir ki, hazırda ölkənin 5-ci ən varlı adamı olan Vladimir Potanin bankı əsl dəyərinin yalnız 3 faizi qədər pul ödəyərək alıb. O, əlavə edib ki, 9 milyard dollarlıq sərvətini itirib və Rusiyanı tərk etmək məcburiyyətində qalıb.
TAHİR
