İran prezidentinin siyasi məsələlər üzrə müavini Mehdi Sənayi ölkəni bürüyən etirazlar fonunda istefa verib. Bununla bağlı İran hökumətinin sözçüsü Fatimə Mühacirani mətbuat konfransında məlumat verib.
Azad İran Telegram kanalının yaydığı məlumata görə, Fatimə Mühacirani qeyd edib ki, Mehdi Sənayinin istefa ərizəsi bir müddət əvvəl təqdim edilsə də, hələlik rəsmi şəkildə qəbul olunmayıb.
“İnsanlar görməli olduqları işi düzgün gördüklərini hiss edənə qədər yerində qalmalıdırlar. Mehdi Sənayinin istefasını təkzib etmirəm; əlbəttə ki, bu istefa çoxdan təqdim edilmişdi və bizim tərəfimizdən qəbul edilmədi. Əlbəttə ki, hələ də bu istefanın qəbul edilib-edilmədiyini bilmirəm”, - deyə, Mühacirani bildirib.
Qeyd edilir ki, İran rialının ABŞ dolları qarşısında dəyərini kəskin itirməsi səbəbindən ölkənin bir sıra şəhərlərində sahibkarlar etiraz aksiyaları keçirirlər.
İradə SARIYEVA
