Suriyada Bəşər Əsəd rejiminin devrilməsindən və yeni Suriya hökumətinin qurulmasından sonra, illərdir rejimi ayaqda saxlamağa çalışan Rusiyanın Əsədə dəstəyini necə kəsib tərk etməsi sualı hər kəs üçün maraq doğurur. Suriya xarici işlər naziri Əsəd Həsən Şeybani bu sualı Səudiyyə Ərəbistanının sualı Britaniyada nəşr olunan " Al Majalla" jurnalına verdiyi müsahibədə cavablandırıb.
Şeybani, rejimə qarşı müharibənin şiddətləndiyi bir dövrdə çox yüksək vəzifəli bir Rusiya rəsmisi ilə görüşməyə başlayıblar və bu şəxsin onlara sanki Putinlə danışırmış kimi hiss etdirdiyini bildirib. Bu görüşdən sonra Bab əl-Hava sərhəd keçidində bir Rusiya rəsmisi ilə üzbəüz görüş keçirdiklərini bildirən Şeybani, bundan sonra hər şeyin dəyişdiyini deyib. O, vasitəçi şəxsin onlara "Putin açıqlamanı oxudu və bəyəndi. Biz mesajı aldıq və onun nə demək olduğunu başa düşdük" dediyini çatdırıb.
Bab əl-Hava sərhəd keçid məntəqəsində ruslarla keçirilən kritik görüşdən bəs edən Şeybani, Suriya tərəfinin qalib mövqeyindən danışmadığını bildirib.
"Biz Suriya xalqıyıq və dəyişikliyi seçmişik. Rusiyanın rejimlə müttəfiqliyi bir səhv idi, amma səhvlər düzəldilə bilər. Bu mövqeyə yenidən baxıla bilər və tərəfdaşlıq yenidən qurula bilər; etibarsız bir rejimlə deyil, bir millət və onun xalqı ilə" – deyən Şeybani bu mesajı ruslara çatdırdıqlarını bildirib.
Şeybani, rusları Bəşər Əsədi tərk etməyə razı salan amili də açıqlayıb. O, bildirib ki, rusların rejimdən imtinasına səbəb olan ən böyük amil onlara Suriyada xalqa xidmət edəcəkləri halda, ökədəki Rusiya hərbi mövcudluğunun davam edə biləcəyi mesajının verilməsi olub.
Şeybani ruslara "Bəşər Əsədi devirmək Rusiyanın Suriyadan getməsi demək olmayacaq. Aydın və birmənalı ifadə idi: "Gələcəyinizi Bəşərə bağlamayın. O, müvəqqətidir. Qura biləcəyiniz bir hökumət var" sözlərini çatdırdığını və məhz bundan sonra rusların Əsəd rejimini müdafiə etməkdən imtina etdiyini bildirib.
O, hətta ruslardan oyunun bitdiyini rejimə çatdırmaqda kömək istədiklərini də söyləyib.
Şeybani rusların "Dəməşqə çatmaq nə qədər vaxt aparacaq?" sualına "48 saat" cavabını verdikdən sonra rusların Dəməşqdən çıxmağa başladığını və o andan sonra hər şeyin dəyişdiyini bildirib: "Bunu eşidəndə Dəməşqdən geri çəkilməyə başladılar. Onları kim gördü? Kim hiss etdi? Bəşərin adamları. Bu, onların süqutunu tətiklədi. Əgər ruslar geri çəkilirsə, deməli, onlar bizim gələcəyimizi bilirdilər. Hamin vaxt biz hələ də Hamada idik".
Tahir TAĞIYEV
