Rusiyanın paytaxtı Moskvada daha bir bombalı hücum baş verib. Bu, Moskvada son üç gündə baş verən ikinci bombalı hücumdur.
Qeyd edək ki, üç gün əvvəl Rusiya Baş Qərargahının Quru Qoşunları Əməliyyat Təlimi İdarəsinin rəisi general-leytenant Fanil Sarvarov öldürülüb.
İstintaq orqanları qeyd edib ki, Sarvarovun qətlində Ukrayna kəşfiyyat orqanlarının mümkün rolu nəzərdən keçirilir.
Anoloji hadisə də F.Sarvarovun öldürüldüyü yerin yaxınlığında baş verib.
Moskvanın cənubundakı Yeletskaya küçəsində gecə yarısı baş verən partlayış nəticəsində iki yol polisi əməkdaşı həlak olub. İstintaq Komitəsi bildirib ki, partlayıcı maddə partlayarkən zabitlər xidməti avtomobillərinin yaxınlığında şübhəli şəxsə yaxınlaşaraq onu yoxlayıblar. Həmin vaxt isə şübhəli şəxs bombanı partaladaraq özünü və iki polis əməkdaşını öldürüb.
İlkin məlumatlara görə, partlayıcı maddə evdə hazırlanıb. “Baza”-nın məlumatına görə, qurğu DPS (yol polisi) avtomobilinin sərnişin tərəfindəki alt hissəyə yerləşdirilib. Partlayış nəticəsində ümumilikdə dörd zabit xəsarət alıb, onlardan ikisinin vəziyyəti ağırdır və xəstəxanaya aparılıb. Ölən zabitlərin 24 yaşlı polis zabiti İlya Klimanov və 25 yaşlı polis zabiti İvan Qorbunov olduğu müəyyən edilib. Qorbunovun həyat yoldaşı və doqquz aylıq qızı qalıb. Agentlik ailələrə lazımi dəstəyin göstəriləcəyini açıqlayıb.
"Kommersant" qəzetinin məlumatına görə, İstintaq Komitəsi hadisə ilə bağlı iki ayrı ittiham irəli sürüldüyünü açıqlayıb.
İradə SARIYEVA
