Türkiyənin xarici işlər naziri Hakan Fidan Kipr Rum Administrasiyasının (KRAD) tezliklə Avropa Birliyinə (AB) sədrliyi öz üzərinə götürəcəyini və beynəlxalq platformalarda fürsət tapdıqları yerdə Türkiyəyə mane olacağını bildirərək, "Kipr Rum Administrasiyası AB ilə Türkiyə arasında əsas maneədir. Təəssüf ki, AB-nin daxili işləri Kipr Rumlarının bu cür hərəkətlərinə imkan verir"- deyib.
TRT World-də yayımlanan "Təkbətək" proqramında cari məsələlərlə bağlı sualları cavablandıran Fidan Kipr Rum Administrasiyasının qarşıdan gələn AB sədrliyini çətinlik, yoxsa fürsət hesab edib-etməməsi ilə bağlı suala cavab olaraq, bu vəziyyətin Türkiyə üçün də bir fürsət ola biləcəyini bildirib.
Fidan Kipr Rum Administrasiyasının (KRAD) Türkiyənin beynəlxalq səhnədəki yoluna maneələr qoyduğuna diqqət çəkərək, "Onlar fürsət tapdıqları yerdə bizə mane olurlar. Lakin inanıram ki, Avropanın üzləşdiyi mövcud təhdidlər qarşısında Avropa Birliyi ilə Türkiyə arasında əməkdaşlıq və münasibətlər əvvəlkindən daha mənalı və vacib hala gəlib. Buna görə də, Kipr Rum Administrasiyası AB ilə Türkiyə arasında əsas maneəni təşkil edir. Və təəssüf ki, AB-nin daxili fəaliyyət sistemi Kipr Rumlarının bu cür hərəkətlərinə imkan verir" deyib.
Kipr problemini miras aldıqlarını, lakin onu gələcək nəsillərə buraxmaq istəmədiklərini vurğulayan Fidan "Köhnə düşüncə tərzinə bağlı qalmaq məcburiyyətində deyilik. Daha yaradıcı ola bilərik, çünki zaman keçir və nəsillər, gələcək nəsillər bizdən həll gözləyir" deyib.
Fidan Kiprdə iki dövlətli həllin yeganə real həll olduğunu və bunu hər kəsin bildiyini vurğulayaraq, "Türkiyə olaraq, Annan Planında və Krans-Montana prosesində müsbət mövqe tutduq; Kipr Türkləri BMT planının lehinə səs verdilər. Lakin Kipr Rumları bunu rədd etdilər" deyə bildirib.
Kipr üçün bərabər güc, sərvət və səlahiyyət paylaşımı ilə bağlı razılaşmaya heç vaxt "hə" deməyəcəyini bildirən Fidan "Onlar bunu bilirlər, biz bunu bilirik, avropalılar bunu bilirlər. Bu bir faktdır. Buna görə də alternativ iki dövlətli həlldir. Biz bunu edə bilərik. İki dövlətli həlldən sonra onlar hər cür əməkdaşlıq və ya siyasi birlik qura bilərlər. Bu, onlardan asılıdır. Amma təcili olaraq etməli olduğumuz şey bu anı ələ keçirmək və Kipri cənnətə çevirmək üçün hər tarixi fürsətdən istifadə etməkdir"- deyə əlavə edib.
"Alternativ iki dövlətli həlldir. Biz bunu edə bilərik. İki dövlətli həlldən sonra onlar hər cür əməkdaşlıq və ya siyasi birlik qura bilərlər. Bu, onlardan asılıdır. Amma təcili olaraq etməli olduğumuz şey bu anı ələ keçirmək və Kipri cənnətə çevirmək üçün hər tarixi fürsətdən istifadə etməkdir"- deyən Türkiyə XİN başçısı fikrini belə yekunlaşdırıb: “Alternativ iki dövlətli həlldir. Biz bunu edə bilərik. İki dövlətli həlldən sonra isə onlar hər cür əməkdaşlıq və ya siyasi birlik qura bilərlər. Bu, onlardan asılıdır. Amma təcili olaraq etməli olduğumuz şey bu anı ələ keçirmək və Kipri cənnətə çevirmək üçün hər tarixi fürsətdən istifadə etməkdir.”
Fidan, eyni zamanda, Aralıq dənizi ölkələrinin turizm, iqtisadiyyat və sənaye sahələrinə qoyduğu əhəmiyyətli investisiyalara diqqət çəkərək bildirib: “Kipr türklərini təcrid etməyi dayandırın; keyfiyyətli əməkdaşlığa başlaya bilərik. Siyasi məsələni dondurarkən, hamımız iqtisadi inkişafdan, regional inkişafdan, enerji ehtiyatlarından istifadədən, turizmdən, sənayedən və hər şeydən birlikdə faydalana bilərik. Lakin köhnə məqsədlərə və mentalitetlərə yapışmaq bu məsələni müsbət həll etməyimizə kömək etmir. Bu, onlara vermək istədiyimiz mesajdır. Cəmiyyət uzun müddətdir müəyyən bir şəkildə formalaşdığı üçün siyasətçilərin geri dönüş etməsi çox çətindir. Amma kimsə həqiqəti deməlidir. Kimsə adadakı reallıqlar, hamımızın əldən verdiyi imkanlar və mövcud de-fakto vəziyyətə görə yaratdığımız risklər barədə həqiqəti deməyə cəsarət etməlidir.”
SAMİRƏ
