“Yahoo Finance” tərəfindən açıqlanan dünyanın ən varlı siyasətçilərinin siyahısı hər kəsi təəccübləndirib. Hamı ABŞ Prezidenti Donald Trampın birinci yerdə olacağını gözləsə də, o, nəinki birinci yeri, hətta ikinci yeri də itirib. Tramp, dünyanın ən varlı üçüncü lideri kimi qeydə alınıb. Ondan bir pillə qabaqda, siyahıda ikinci yerdə isə heç kimin gözləmədiyi və hətta təəccüblə qarşıladığı bir lider yer alır.
Siyahının birinci sırasında olan siyasətçi 200 milyard dolları keçən təxmini sərvəti ilə digər dünya liderlərini xeyli geridə qoyur. İkinci yeri alan siyasətçi ilə onun arasında böyük bir uçurum olduğu görünür.
Beləliklə “Yahoo Finance” tərəfindən tərtib edilmiş dünyanın ən varlı siyasətçiləri və onların təxmini sərvətləri:
1. Vladimir Putin
Birinci yerdə Rusiya Prezidenti Vladimir Putin dayanır. Rusiya liderinin ən azı 200 milyard dollarlıq heyrətamiz sərvəti olduğu bildirilir.
2. Aleksandr Lukaşenko
Dünyanın ikinci ən varlı siyasətçisi, 1994-cü ildə vəzifəyə başlayandan bəri Belarusun ilk və yeganə prezidenti olan Aleksandr Lukaşenkodur və o da böyük sərvətə malikdir. Putinin yaxın müttəfiqi olan Lukaşenko, 9 milyard dollarlıq sərvəti ilə Belarusun ən varlı adamı sayılır.
3. Donald Tramp
Tarixin ən varlı ABŞ prezidenti olan Donald Tramp isə siyahıda üçüncü yerdə dayanır. Daşınmaz əmlak maqnatı kimi tanınan Trampın sərvəti 7,2 milyard dollardır. Trampın sərvəti son illərdə xeyli artıb. “Forbes” onun, əsasən üç oğlu Donald Jr., Eric və Barron ilə birlikdə qurduğu kriptovalyuta şirkəti olan “World Liberty Financial”ın uğuru sayəsində, xalis sərvətinin rekord həddə çatdığını bildirir.
4. Kim Çen In
Şimali Koreya lideri Kim Çen Inın 2013-cü ildən bəri 5 milyard dollar (3,7 milyard funt sterlinq) sərvəti olduğu təxmin edilir. Araşdırmalara görə, o sərvətinin böyük bir hissəsini Çin, Avstriya, Lüksemburq, Rusiya və İsveçrə də daxil olmaqla digər ölkələrdə yerləşən 200-dən çox bank hesabında saxlayır.
5. Si Cinpin
Çin Xalq Respublikasının Prezidenti, Çin Kommunist Partiyası Mərkəzi Komitəsinin Baş katibi və Mərkəzi Hərbi Komissiyanın sədri kimi nüfuzlu titullara sahib olan Si Cinpinin 1,5 milyard dollarlıq sərvəti olduğu ehtimal olunur. Lakin onun hazırkı sərvətinin həqiqi həcmi məlum deyil…
TAHİR
