Avropa İttifaqının ali nümayəndəsi Kaya Kallas üzv ölkələrə xəbərdarlıq edib. O, bildirib ki, Donbas Putinin son məqsədi deyil, hədəf bütün Ukraynadır.
Kallas Ukrayna süqut edərsə, digər regionlarında da təhlükə altına girəcəyi barədə xəbərdarlıq edib: “Ölkələrin niyə NATO-ya qoşulmaq istədiklərini xatırlamalıyıq – çünki onlar Rusiyanın onlara hücum etməsini istəmirlər. Məhz bu səbəbdən İsveç və Finlandiya NATO-ya qoşuldular. Məhz bu səbəbdən Baltikyanı ölkələr bu müdafiə çətirinə sahib olmaq üçün NATO-ya qoşuldular. İndi, əgər bu sual altındadırsa və ya istisna edilirsə, o zaman biz təhlükəsizliyin real, maddi təminatlarının nə olduğunu görməliyik. Bu, sadəcə sənədlər və ya vədlər ola bilməz. Bunlar Ukraynanın özünü müdafiə edə bilməsi üçün real qoşunlar, real imkanlar olmalıdır. Anlamalıyıq ki, Donbas Putinin son məqsədi deyil. Əgər o, Donbası alsa, qala süqut edəcək və sonra o, mütləq bütün Ukraynanı fəth etməyə davam edəcək".
Onun sözlərinə görə, əgər Ukrayna süqut edərsə, digər regionlar da təhlükə altında qalacaq: "Biz bunu tarixdən bilirik, bundan dərs almalıyıq”.
TAHİR
