Avropa İttifaqı Belarus hakimiyyətinə qarşı sanksiyaları genişləndirib. “Reuters”in məlumatına görə, sanksiyaların səbəbi Belarusdan Litvanın hava məkanına meteoroloji şarların daxil olmasıdır.
“Bu gün Avropa İttifaqı Şurası Belarus Respublikasına aid olan və demokratiyanı, qanunun aliliyini, sabitliyi və Avropa İttifaqı və ona üzv dövlətlərdə təhlükəsizliyi sarsıdan və ya təhlükə altına alan fəaliyyət və ya siyasətdən faydalanan, bu proseslərdə iştirak edən və ya onlara dəstək verən şəxslərin, qurumların və təşkilatların siyahısı üçün yeni meyar təqdim edib. Bugünkü qərar Litvanın hava məkanına meteoroloji şarların son dövrlərdə daxil olmasından sonra qəbul edilib” – deyə Aİ-nin bəyanatında bildirilir.
Qeyd edək ki, dekabrın 13-də ABŞ Belarusun kalium sənayesinə tətbiq edilmiş sanksiyaları ləğv edib. Buna cavab olaraq Belarus Prezidenti Aleksandr Lukaşenko 123 məhbusu azad edib. Azad edilmiş insanlar arasında müxalif fəalı Mariya Kolesnikova və Nobel Sülh Mükafatı laureatı Ales Bialiatski də var.
TAHİR
