Rusiya-Ukrayna münaqişəsinin həlli ilə bağlı ABŞ Prezidenti Donald Trampın hazırladığı plan silahsızlaşdırılmış zonanın Rusiya ərazisi kimi tanınmasını nəzərdə tutur.
Bundan əvvəl ABŞ planında "Rusiya hərbi birləşmələrinin silahsızlaşdırılmış zonaya girməyəcəyi" bildirilirdi. ABŞ ordusunun katibi Daniel Driskol Kiyevdə keçirilən görüşdə ABŞ-ın silahsızlaşdırılmış zonanı "dünyanın ən güclü müdafiə xətti" kimi yaratmaq niyyətində olduğunu və Ukraynaya təhlükəsizlik zəmanəti verəcəyini bildirmişdi.
Lakin “Financial Times” qəzeti Ukrayna mənbələrinə istinadən yazır ki, ABŞ-ın son planında silahsızlaşdırılmış zonanın şərq sərhədindəki Rusiya qoşunlarının geri çəkilməsi nəzərdə tutulmur. Mənbələr iddia edir ki, ABŞ "Koreya modeli" gündəmə gətirərək Şimali və Cənubi Koreyanı ayıran silahsızlaşdırılmış zonaya bənzər bir həll təklif edir.
Ukrayna Prezidenti Zelenski isə Koreya modelinə əsaslanan silahsızlaşdırılmış zonanın uzunmüddətli sülh gətirməyəcəyini bildirir. Zelenskinin sözlərinə görə, bu, münaqişənin sadəcə dondurulmasına səbəb olacaq.
TAHİR
