RİA Novosti agentliyinin məlumatına görə, Budapeşt küçələrində Avropa Komissiyasının prezidenti Ursula fon der Leyen və Ukrayna prezidenti Volodimir Zelenskinin qızıl unitaza pul atdığı plakatlar peyda olub.
Plakatın üzərində həmçinin "pulatma" sxeminin üçüncü iştirakçısı, Macarıstan müxalifətinin Tisza partiyasının rəhbəri Peter Magyar da var. Hər üçü Macarıstan forinti ilə dolu torbalarla tualetin ətrafında dayanıb onları kanalizasiyaya atırlar.
"Onlar vergiləri artıracaq və pulunuzu Ukraynanın qızıl unitazına göndərəcəklər", - deyə başlıqda bildirilir.
Agentlik qeyd edib ki, qızıl unitaz plakatlarda təsadüfən görünməyib. Bu, korrupsiya qalmaqalı fonunda Ukraynanın yüksək vəzifəli məmurlarına qarşı aparılan axtarışlara istinaddır. İnternetdə yerləşdirilən görüntülərdə külli miqdarda pul və lüks əşyalar göstərilir.
Bunun ardınca Macarıstanın Baş naziri Viktor Orban və xarici işlər naziri Peter Siyarto Kiyevdən Avropa vergi ödəyicilərinin pullarının israf edilməsinə görə hesabat tələb ediblər. Onlar həmçinin Brüsseldə korrupsiyanın səviyyəsinin Ukraynadakı qədər geniş yayıldığını bildiriblər. Macarıstan siyasətçiləri hesab edirlər ki, məhz buna görə də Aİ Kiyevdəki korrupsiya qalmaqalını görməzdən gəlməyə çalışır.
Bundan əlavə, posterdə Brüssel tərəfindən dəstəklənən Macarıstan müxalifətinin 2026-cı ilin aprel seçkilərindən sonra hakimiyyətə gələcəyi təqdirdə əhali üçün vergi güzəştlərini azaltmaq planları sızdırılıb.
Qeyd edilir ki, daha əvvəl Polşa Ukraynadakı korrupsiyanı ört-basdır edən Aİ liderlərinin məsuliyyətə cəlb edilməsinə çağırış etmişdi.
SAMİRƏ
