Fransanın hərbi kəşfiyyat mərkəzi olan Kreil Bazasının üzərində altı dron aşkar edilib. Məlumata görə, Creil şəhərində yerləşən 110 nömrəli Hava Bazasında üçüncü dirgecə şübhəli dron uçuşları ilə bağlı xəbərdarlıq siqnalı verilir.
Kreil bazası, Fransa ordusunun hərbi kəşfiyyat xidməti Hərbi Kəşfiyyat İdarəsinin texniki obyektlərinə və Fransa hərbi peyklərini idarə edən Kosmik Tədqiqatlar Mərkəzinə ev sahibliyi edir. Baza Parisdən təxminən 40 kilometr məsafədə yerləşir.
AFP-nin məlumatına görə, bazanın üstündə altıya yaxın "düşmən dron" aşkar edilib. Əsgərlər HK416F tüfənglərindən atəş açıblar, lakin dronlardan heç birini vura bilməyiblər. Dron uçuşlarından sonra bazaya dron əleyhinə xüsusi qruplar və ixtisaslaşmış dron əleyhinə helikopter göndərilib.
Fransa Hava və Kosmik Qüvvələrinin sözçüsü bildirib ki, pis hava şəraiti səbəbindən iki gündür müşahidə edilən obyektlərin dron və ya kommersiya təyyarəsi olub-olmadığını müəyyən etmək mümkün olmayıb.
Qeyd edək ki, dekabrın 4-də Bretandakı Lonq adasındakı nüvə sualtı bazası üzərində də beş dron aşkar edilib.
Son aylarda Avropa hava məkanında çoxsaylı hərbi obyektlər üzərində mənşəyi naməlum dronlar müşahidə olunub. Avropa Komissiyasının prezidenti Ursula fon der Leyen hadisələri “hibrid müharibə” adlandırıb. NATO-nun şərq cinahında, Rumıniya və Almaniya kimi ölkələrdə baş verən oxşar pozuntular Ukrayna müharibəsinin kölgəsində yeni təhlükəsizlik müzakirəsinə səbəb olub.
TAHİR
