İlon Maskın platforması sosial şəbəkə qaydalarının pozulmasını əsas gətirərək Avropa Komissiyasının reklam hesabını silib.
Bir neçə gün əvvəl Brüsseldə yerləşən agentlik X-i cərimələyərək üç pozuntu maddəsi ilə cəzalandırıb. Avropa Komissiyasının böyük bir cəriməsindən sonra Amerika mikrobloq platforması X Aİ icra agentliyinin orada reklam yerləşdirməsini bloklayıb. Deutsche Welle-nin məlumatına görə, İlon Maskın sosial şəbəkəsinin baş məsul direktoru Nikita Beer bazar ertəsi Avropa Komissiyasının hesabının silindiyini açıqlayıb.
O, Avropa Komissiyasının X-ə qarşı 120 milyon avro cərimə ilə bağlı paylaşımının görünürlüyünü artırmaq üçün hesabındakı sosial media qaydalarını pozduğunu iddia edib. "Əhatə dairəsini süni şəkildə artırmaq" üçün bir link yerləşdirmək istifadəçiləri çaşdırır və "onları bunun video olduğunu düşünməyə vadar edir", Beer yazıb.
Avropa Komissiyası X-in Avropa Rəqəmsal Xidmətlər Qanununa (DSA) əməl etmədiyinə görə cərimələnməsi ilə bağlı paylaşımına video əlavə edib. Bunun üzərinə klikləmək istifadəçiləri avtomatik olaraq Komissiyanın veb saytında müvafiq mövzu ilə bağlı mətbuat açıqlamasına yönləndirib. Reklam hesabının silinməsi Avropa Komissiyasını paylaşımlarının daha çox istifadəçiyə göstərilməsi üçün pul ödəməklə onların əhatə dairəsini artırmaq imkanından məhrum edir.
SAMİRƏ
