HƏMAS silahlarını Fələstin Muxtariyyətinə təhvil verməyə hazır olduğunu açıqlayıb. Ancaq təşkilatın bunun üçün yeganə bir şərti var - İsrail ordusunun işğalına son qoyulması.
HƏMAS-ın siyasi qanadının liderlərindən biri olan Xəlil əl-Həyya təşkilatın İsrail işğalı bitənə qədər silahlarını yerə qoymayacağını bildirib: "Silahlarımız işğal və təcavüzün mövcudluğu ilə bağlıdır. İşğal bitərsə, silahlar dövlətə təhvil veriləcək ".
Suveren və müstəqil Fələstin dövləti istədiklərini bildirən əl-Həyya, atəşkəsi izləmək və silahların rahat şəkildə təslim edilməsi üçün Qəzzaya BMT qüvvələrinin yerləşdirilməsinə açıq olduğunu da bildirib.
ABŞ-ın hazırladığı Qəzza planının ikinci mərhələsi HƏMAS-ın tərksilah edilməsinə yönəlmişdi. Lakin HƏMAS işğal davam etdiyi müddətcə silahlarını yerə qoymaqdan imtina edir.
TAHİR
