Avropa maliyyə sistemində qiymətli kağızların saxlanması və təmizlənməsi ilə məşğul olan böyük beynəlxalq mərkəzi depozitar olan Belçika mərkəzli “Euroclear”ın baş direktoru Valeri Urban, Avropada dondurulmuş təxminən 180-200 milyard avro dəyərində Rusiya aktivlərinin Ukraynanın maliyyələşdirilməsi üçün kredit mənbəyi kimi istifadə edilməsini nəzərdə tutan Avropa Komissiyasının planını tənqid edib.
Urban, Avropa Komissiyasının dondurulmuş Rusiya aktivlərilə bağlı planının mümkün olmadığını deyib.
Urban, aktivlərin yalnız faiz gəlirləri deyil, həm də özlərindən istifadənin həm “Euroclear”, həm də Belçika üçün iflas risqi yaradacağını bildirib. O qeyd edib ki, Rusiya aktivlərindən gəlir kimi alınan faiz artıq Ukraynanın xeyrinə istifadə olunub.
"Son iki ildə təxminən 5 milyard dollar təşkil edən bu faiz əslində “Euroclear”a məxsus gəlirdir. Direktorlar Şurası təşkilatın indiki faciəli vəziyyətdə mənfəət əldə etməməsi qərarına gəldi", - deyə Urben bildirib.
Bu vəsaitlərin bir gün Rusiya Mərkəzi Bankına qaytarılmasının məcburi olduğunu vurğulayan baş direktor, quruma qarşı ən kiçik bir etimadsızlığın belə Avropa və qlobal maliyyə bazarlarında ciddi qeyri-sabitliyə səbəb ola biləcəyini bildirib.
O, faiz ödəməkdən fərqli olaraq, Rusiya Milli Bankının “Euroclear”a yatırdığı 185 milyard avronun hamısını kredit kimi istifadə etməyin qeyri-real olduğunu vurğulayıb.
Urban təklif təsdiqlənərsə, Komissiyaya qarşı hüquqi tədbirlər görməyə, məhkəmədə etiraz etməyə hazır olduğunu söyləyib.
"Çox ümid edirəm ki, vəziyyət bu həddə çatmayacaq. Amma əlbəttə ki, “Euroclear”ı qorumaq üçün bütün mümkün vasitələrdən istifadə etməli olacağıq", - Urban vurğulayıb.
Bundan əvvəl Avropa Komissiyası Avropada dondurulmuş Rusiya dövlət aktivlərindən istifadə edərək Ukraynaya 165 milyard avro təzminat ayırmağı təklif edib. Ancaq Belçikanın Moskvanın əks tədbirlərindən çəkinərək Rusiya aktivlərindən girov kimi istifadə edərək kredit kimi verilməsinə qarşı çıxması prosesin faktiki olaraq dayanmasına səbəb olub.
TAHİR
