İsrail Baş naziri Benyamin Netanyahunun 28-31 dekabr tarixləri arasında Ağ Evə səfər edə biləcəyi barədə xəbərlər yayılıb. Tarix hələ tam dəqiqləşməyib, Netanyahunun planlaşdırılan səfəri Vaşinqtonla Nyu-York arasında siyasi fırtınaya səbəb olub.
Beynəlxalq Cinayət Məhkəməsi (BCM) tərəfindən haqqında çıxarılan həbs qərarına görə İsrail Baş nazirinin ABŞ-a ayaq basdığı anda saxlanıla biləcəyi iddiaları ölkədə şok effekti yaradıb. Xüsusilə, Nyu-York merinin "Biz Beynəlxalq Cinayət Məhkəməsinin qərarına əməl edəcəyik" açıqlaması gərginliyi artırıb və bütün diqqətlər Netanyahunun gözlənilən səfərinə yönəlib.
İsraildə yerləşən GLZ Radiosunun məlumatına görə, Nyu-Yorkun yeni meri Zöhran Mamdani bildirib ki, BCM-in Netanyahu ilə bağlı həbs qərarını icra etmək üçün Nyu-York Polis Departamentini görəvləndirəcək. Mamdani deyib ki, BCM tərəfindən Qəzzada ciddi insan haqları pozuntularına görə axtarılan hər kəs üçün eyni proses tətbiq olunacaq.
ABŞ, İsrail və Rusiya kimi, Beynəlxalq Cinayət Məhkəməsinin tərəfi deyil. Buna görə də, Beynəlxalq Cinayət Məhkəməsinin qərarlarının ABŞ ərazisində avtomatik olaraq icrası məcburi deyil.
Lakin bu, yerli hökumətlərin və ya dövlət səviyyəli qurumların öz təşəbbüsləri ilə həbs prosesinə başlamasının texniki olaraq qarşısını almır. Proses tamamilə Mamdaninin vədini əməl edib-etməyəcəyinə bağlıdır. Başqa sözlə, hüquqi əsas Beynəlxalq Cinayət Məhkəməsinin qərarıdır, icra isə Nyu-York merinin təşəbbüsüdür.
Bütün bunalara baxmayaraq, Netanyahu geri çəkilməyəcəyini deyir. Netanyahu Nyu-Yorka gedəcəyini bildirib.
TAHİR
