Honkonqda yaşayış kompleksində baş verən dəhşətli yanğında ölənlərin sayı 146-ya çatıb. İtkin düşmüş hesab olunanlardan 159 nəfərin sağ olduğu aşkarlanıb.
Bildirilir ki, yanğınsöndürənlər yanğın baş verən 7 binadan altısındakı 1500-dən çox mənzilə baxış keçiriblər.
Dünyanın ən sıx məskunlaşılan şəhərlərindən olan Honkonqun Tay Po rayonundakı 8 binadan və 2 minə yaxın mənzildən ibarət yaşayış kompleksində yanğın noyabrın 26-da günortadan sonra baş verib. Yanğın binaların üzlüyünün yenilənməsi üçün istifadə olunan bambuk ayaqaltılarda başlayıb və küləyin təsiri ilə sürətlə yayılıb.
ZÜMRÜD
