Ukraynada Milli Korrupsiyaya Qarşı Mübarizə Bürosu (NABU) və Korrupsiyaya Qarşı İxtisaslaşdırılmış Prokurorluğu (SAP) Prezident Aparatının rəhbəri Andrey Yermakın Kiyevin Bankova küçəsindəki evində axtarış aparıblar.
Prezident Zelenskiyə ən yaxın şəxs kimi tanınan Yermak sosial mediada paylaşım evində axtarış aparıldığını təsdiqləyib: "Bu gün NABU və SAP mənim evimdə qanuna uyğun prosedurları həyata keçirirlər. Müstəntiqlər heç bir maneə ilə yaradılmır. Mənzilə tam giriş imkanı verilib. Vəkillərim də hadisə yerindədirlər və hüquq-mühafizə orqanları ilə əməkdaşlıq edirlər. Mən də öz tərəfimdən tam əməkdaşlıq edirəm".
Yermak korrupsiya qalmaqalından sonra istefa çağırışları ilə üzləşib. Təzyiqlərə baxmayaraq, Zelenski Yermakı işdən çıxarmaqdan imtina edirdi və onu 23 noyabrda İsveçrədə keçirilən ABŞ-Ukrayna danışıqlarında Ukrayna nümayəndə heyətinə rəhbərliyi ona həvalə etmişdi. Axtarışdan sonra Zelenski Yermakın Ukrayna Prezident Ofisinin rəhbəri vəzifəsindən istefa verdiyini açıqlayıb. Onun sözlərinə görə, Yermak istefa ərizəsi yazıb.
Yermak Zelenskinin 2019-cu il seçkilərində qələbəsindən sonra "Ukraynanın ikinci ən güclü adamı" hesab olunurdu.
Bu arad, "The Telegraph" qəzetinin məlumatına görə, Ukraynadakı korrupsiya qalmaqalı "qartopu kimi böyüyür". Qəzet bu vəziyyətin Kiyevin danışıqlarda mövqeyini zəiflətdiyini yazır. Bunu fürsət bilən ABŞ-ın Ukraynanı sülh müqaviləsi imzalamağa məcbur etmək üçün təzyiqi artırdığı iddia edilir.
Xatırladaq ki, NABU və SAP 15 aylıq araşdırmadan sonra 10 noyabrda dövlət nüvə enerjisi şirkəti Energoatom da daxil olmaqla, enerji sektorunda böyük bir korrupsiya və rüşvət sxemini araşdırdıqlarını elan edib.
Nazirlik və idarəetmə səviyyəsində səkkiz şəxsə ittiham olunub. Bu şəxslər arasında korrupsiya istintaqının mərkəzində olduğu bildirilən iş adamı Timur Mindiç, keçmiş Energetika Nazirliyinin müşaviri İqor Mironiuk, dövlət nüvə enerjisi şirkəti “Energoatom”un Mühafizə və Təhlükəsizlik direktoru Dmitri Basov və pulların yuyulmasında iştirak etdiyi bildirilən başqalarının olduğu iddia edilir. Zelenski korrupsiya ittihamları ilə üzləşən iki naziri vəzifəsindən azad edib. Zelenskiyə yaxınlığı ilə tanınan iş adamı Timur Mindiç isə ölkədən qaçıb.
TAHİR
