Özünə qarşı irəli sürülən ittihamları şiddətlə rədd edən İmamoğlu “İstintaqın böhtan və cinayət törətmək məqsədi daşıdığını və məntiqi, hüquqi və inandırıcı tərəfi olmadığını”- deyib. İmamoğlu ifadəsində Mən heç bir cinayət törətməmişəm. İttihamları qətiyyətlə rədd edirəm. Bu istintaq qarayaxma və cinayət törətmək məqsədi daşıyır.Burada olmamın səbəbi isə mənə qarşı başlatılan siyasi mübarizədir"- deyib.
Əkrəm İmamoğluna verilən ilk sual “Peşimançılıq müddəalarından faydalanmaq istəyirsinizmi?” sualı olub.İmamoğlu “Heç bir cinayət törətmədiyim üçün peşimançılıq müddəalarından faydalanmaq istəmirəm” deyə cavab verib. İmamoğluna İstanbul Böyükşəhər Bələdiyyəsinin keçirdiyi tenderlər və onların nəticələri ilə bağlı sual verilib. İmamoğlu cavabı verib ki,“İstanbul Böyükşəhər Bələdiyyəsinin sədri və keçmiş bələdiyyə sədrləri, o cümlədən mərhum Kadir Topbaş, cənab Əli Müfit Gürtuna və cənab Rəcəb Tayyib Ərdoğan, bütün əvvəlki bələdiyyə başçıları mənim kimi nə tenderlərə qatılır, nə də tenderlərə imza atıblar, nə də bələdiyyə başqanı olduqları müddətdə nəticələri izləməyə vaxtları olub”.Saxlanılan şəxslərin fotoşəkillərini ona göstərib onları tanıyıb-tanımadığı soruşulan İmamoğlu, sualların məzmununu anladığını söyləyib və qeyd edib ki, "Əslində burada olmağımın yeganə səbəbi mənə qarşı başlatılan siyasi müdaxilə və mübarizə modelidir" deyib. Mübarizəsinin illərdir davam etdiyini deyən İmamoğlu əlavə edib ki, "Hazırda xalqın iradəsinə hörmət etməyən hökumət üzvlərinin müdaxiləsi ilə qarşı-qarşıyayam. Və bu sualları İstanbul tarixində ən yüksək səslə, 16 milyon istanbullunun səsini,xalqın iradəsini qazanan bir şəxsə verildiyini şahidiyəm. Ona görə də bu açıqlamanı verirəm. “Suallarınıza növbəti bölmələrdə, əsasən, Baş Prokurorluqda da ətraflı cavablar verəcəyəm
Surxay Əliyev
