Fransada vətəndaşların əksəriyyəti hərbi xidmətin qaytarılmasını dəstəkləyir, lakin onun hansı formatda olması barədə fikirlər fərqlidir. “European Pravda” xəbər verir ki, bunu “Le Parisien” nəşrinin sifarişi ilə “Ipsos” şirkətinin keçirdiyi sorğu sübut edir. Belə ki,fransalı respondentlərin 86%-i 2001-ci ildə ölkədə ləğv edilən hərbi xidmətin geri qaytarılmasını dəstəkləyib. Bununla yanaşı Ipsos respondentləri belə bir xidmətin formatı ilə bağlı müxtəlif fikirlər bildiriblər.Respondentlərin 53% məcburi hərbi xidmətin tərəfdarıdır, respondentlərin yalnız 32%-i bunun qadınlara şamil edilməli olduğunu düşünür. Fransada hərbi xidmətin geri qaytarılmasına ən aşağı dəstək yaşı 35-dən aşağı olan insanlar arasındadır: Belə ki,78% bunu prinsipcə dəstəkləyir, lakin yalnız 41% bunun məcburi olmasını istəyir. Bundan əlavə, Fransada kişilərin 39%-i həm kişilər, həm də qadınlar üçün icbari hərbi xidmətin tərəfdarı olduğu halda, qadınların yalnız 26%-i bunu istəyir. Əksinə, qadınların 24%-i yalnız kişilər üçün məcburi xidmətin tərəfdarıdır.Keçən il başqa bir sorğu göstərdi ki, Fransanı müdafiə etmək lazım gələrsə, hər ikinci fransız gənci orduya qoşulmağa və Ukraynada döyüşməyə hazır olacaq. Bu yaxınlarda isə bildirildi ki, fransızların 70%-dən çoxu müharibənin Ukraynadan başqa Rusiyanın digər qonşularını da təhdid edə biləcəyindən narahatdır.
Surxay Əliyev
