Fransa parlamentinin deputatı Rafael Qluksman hesab edir ki, ABŞ XIX əsrdə Paris tərəfindən ona verilmiş Azadlıq heykəlini Fransaya qaytarmalıdır. "European Pravda" xəbər verir ki, o, bunu martın 16-da özünün "Place Publique" partiyasının qurultayında deyib. Qluksmann çıxışında Donald Tramp administrasiyasına istinad edərək “tiranları seçmiş amerikalılara” müraciət edib. "Biz elmi azadlıqdan istifadə etdiklərinə görə tədqiqatçıları işdən çıxaran amerikalılara deyəcəyik: "Bizə Azadlıq heykəlini qaytarın." Biz onu sizə verdik, amma siz açıq-aşkar ona xor baxırsınız. Ona görə də o, bizimlə yaxşı olacaq", - deyə siyasətçi vurğulayıb. Avropa Parlamentinin deputatı həmçinin Rusiyanın Ukraynaya genişmiqyaslı müdaxiləsi ilə bağlı ABŞ-ın mövqeyini də tənqid edib və ifrat sağçı qüvvələrə qarşı çıxmaq üçün “demokratik müqavimət” göstərməyə çağırıb.
Azadlıq heykəli fransız Auguste Bartholdi tərəfindən Amerika İnqilab Müharibəsi zamanı iki ölkə arasındakı ittifaqın xatirəsinə fransız xalqının amerikalılara hədiyyəsi olaraq yaradılmışdır. Bu abidə 28 oktyabr 1886-cı ildə Amerika Müstəqillik Bəyannaməsinin 100-cü ildönümünü qeyd etmək üçün açıldı və hazırda Manhettenin cənubunda, Nyu-Yorkun Azadlıq adasında dayanır. Qluksmann öncə də ABŞ-ın indiki administrasiyasını tənqid edərək Donald Trampla Vladimir Putinin söhbətini 1938-ci il Münhen razılaşması ilə müqayisə edib
Surxay Əliyev
