ABŞ-ın milli təhlükəsizlik üzrə müşaviri Maykl Uolts Rusiyanın Ukraynaya qarşı müharibəsini dayandırmaq üçün razılaşmanın “gələcək təhlükəsizlik zəmanətləri” müqabilində sonuncunun ərazi itirməsini də əhatə edə biləcəyini etiraf edib. “European Pravda”nın yazdığına görə, bu barədə Uolts ABC News-da bildirib. Aparıcı Trampın məsləhətçisindən müharibəyə son qoymaq üçün razılaşmanın mümkün konturları ilə bağlı sual verib və ona Ukraynanın “əsasən Rusiyadan olan insanların yaşadığı” əraziləri də daxil edib-etməyəcəyini soruşub. Uolts cavab olaraq deyib ki, söhbət bir növ “təhlükəsizlik zəmanətləri müqabilində, Ukraynanın gələcək statusundan” gedir”, - deyə əlavə edib. ABC News-un aparıcısı belə bir sual verib ki, bu, Rusiyanın Ukraynanı işğal etdiyi halda, Ukraynanın şərqində və Krımda ərazi qazanacağı anlamına gəlirmi? ABŞ prezidentinin müşaviri cavab verib ki, "Biz özümüzdən soruşmalıyıq ki, bu, bizim milli maraqlarımıza uyğundurmu və ya bu realdırmı. Biz bu barədə həm avropalılarla, həm də ukraynalılarla danışmışıq. Biz hər hansı bir rusu Ukrayna torpağından, o cümlədən Krımdan necə qovacağıq?"
Daha sonra müşavir Co Bayden administrasiyasının “sonsuz döyüşlərə” səbəb olan və “III Dünya Müharibəsi” riskini artıran strategiyasını tənqid edib. "Beləliklə, biz nəyin doğru və nəyin yanlış olduğunu danışa bilərik, lakin biz həm də reallıqdan danışmalıyıq. Və bunu diplomatiya, dolayı danışıqlar yolu ilə edirik" deyə Uolts yekunlaşdırıb.
Surxay Əliyev
