“ABŞ Ədliyyə Nazirliyi Avropa rəsmilərini ABŞ-ın Rusiyanın Ukraynaya qarşı Təcavüz Cinayətlərinin Araşdırılması üzrə Beynəlxalq Mərkəzdən çıxması barədə məlumatlandırıb”. Bu barədə New York Times yazır. Qrup Rusiya rəhbərliyini, həmçinin onun Belarus, Şimali Koreya və İrandakı müttəfiqlərini başqa ölkələrin suverenliyini pozan təcavüzə görə məsuliyyətə cəlb etmək üçün yaradılıb. NYT xəbər verir ki, Bayden administrasiyasının 2023-cü ildə qoşulduğu diktator Putini təhqiq edən çoxmillətli işçi qrupunun tərkibindən çıxmaq haqda qərarı Tramp administrasiyasının Putini Ukraynadakı hərbi cinayətlərə görə şəxsən məsuliyyətə cəlb etmək öhdəliyindən geri çəkildiyinin bir əlamətidir.
Nəşrin yazdığına görə, Tramp administrasiyası 2022-ci ildə o zamankı baş prokuror Merrik Qarland tərəfindən yaradılmış Müharibə Cinayətləri üzrə Hesabat Qrupunun işini də ixtisar edir. Hansı ki,o, Ədliyyə Departamentinin Ukraynada vəhşiliklər törədən rusları məsuliyyətə cəlb etmək səylərini əlaqələndirirdi. Rəsmilər hələ NYT-nin məlumatını rəsmi şəkildə şərh etməyiblər.
Surxay Əliyev
